على طريقتها الخاصة، تستقبل مدرسة «سوالم أبنوب» الابتدائية بمحافظة أسيوط العام الدراسى الجديد بإطلاق مبادرة «أنا حقى أمان»، التى تهدف إلى منع العنف فى المدرسة، سواء فى الداخل أو الخارج، ودعم الطلاب نفسياً واجتماعياً.
"حسانين": تشمل جلسات دعم نفسى واجتماعى للطلاب
«أنا حقى حماية.. أنا حقى أمان.. ده حق أصيل علشان أنا إنسان».. شعار رفعته المدرسة لنشر ثقافة التعليم التربوى الإيجابى بدون عنف، وتغيير بعض الأفكار الموروثة عن استخدام العنف كسلاح قوى لتعليم الأطفال: «طالب اليومين دول لو لقى عنف هيعند أكتر، وبالتالى حجم العنف ممكن يزيد، وده مش مسموح بيه».. حسب أحمد حسانين، مسئول المبادرة، الذى عقد جلسات دعم نفسى مكثفة خلال الأيام القليلة التى سبقت الدراسة: «بنجمع الأطفال وبنعلمهم إزاى يتعاملوا مع المدرسين لو حصل منهم عنف، وكمان إزاى يتصدوا للعنف بره المدرسة، وبنخليهم هما اللى يقفوا يتكلموا ويطلّعوا كل الكلام اللى جواهم ويكتبوه فى ورق عشان تثبت المعلومات بشكل أحسن».
تضع المدرسة قائمة أولويات بكل عام جديد، أهمها تهذيب الأطفال ونشر التربية الإيجابية بالمدرسة: «أهم حاجة بنقولها للطالب لو حصل أى عنف فى الفصل يرجع للإدارة، أما بره المدرسة فبنعلمهم إزاى يحافظوا على نفسهم ومش يتطاولوا على حد كبير». وتقدم المبادرة أيضاً أنشطة فنية بتمثيل بعض الاسكتشات داخل مسرح المدرسة.
تعليقات الفيسبوك