تسريب صوتي لـ"الشاطر" يفضح أبو الفتوح ويكشف إصابة مرسي بورم في المخ
أبو الفتوح كان مريضًا بـ"القلب" وظل بالعناية المركزة بالسجن 7 أشهر
تسريب صوتي للقيادي الإخواني خيرت الشاطر
عرضت الإعلامية أماني الخياط، تسريبا صوتيا للقيادي الإخواني خيرت الشاطر، يفضح فيه الإخواني عبد المنعم أبو الفتوح، كما كشف خلال التسريب عن مرض محمد مرسي العياط بورم في المخ، وذلك خلال برنامج "الكبسولة"، الذي يُعرض على شاشة "extra news".
وقال "الشاطر"، خلال التسريب: "هو حصل شوية أخطاء من عبد المنعم أبو الفتوح ، في آخر 10 أيام من حملته الانتخابية وبرامجه اللي ظهر فيها ألحقت به ضررا، وهما قرأوا ده بسرعة، فبدأوا ينزلوا ناس توجه الناس بتاعتوا لحملة حمدين صباحي".
وأضاف "الشاطر": "أبو الفتوح مثلا لما طلع مع عمرو موسى في مناظرة مقدمش نفسه كرئيس دولة، ده وقف يردح لعمرو وعمرو يردحله، يعني ده عمال يغلط في ده وده يغلط في ده، وده يشتم ده وده يشتم ده فالاثنين خسروا، جزء من ناس عمرو راحوا لشفيق".
تسريب صوتي لـ"الشاطر" يتحدث عن مناظرة أبو الفتوح مع عمرو موسى
وتابع: "أبو الفتوح اتكلم بشكل غير مناسب على مرض باقي المرشحين التانيين يعني قال المرشح اللي عمل عملية في دماغه، هو يقصد محمد مرسي، لأن فيه مرض أو حاجة معروفة طبيا اللي هي الورم السحائي، وده بيبقى ورم حميد بييجي في الغشاء المغلف للمخ، تحت الجمجمة على طول، وناس كتير بيحصلها هنا في مصر بنسبة معينة، فبيتشال بطرق مختلفة من ضمنها المنظار فهو ده اللي كان عند الدكتور محمد من سنين طويلة بس عبد المنعم أبو الفتوح هو اللي أثار الموضوع".
وواصل: "هو مقالش اسمه إنما هو طلع بكلمة إن لازم أي مرشح للرئاسة يقدم إقرار بصحته، طبعا عبد المنعم لما كان معانا في السجون كان ديما تجيله أزمات قلبية وقعد في المستشفى 6 أو 7 شهور من فترة الحبس في العناية المركزة، والتقرير دي كلها موجودة وكانت مكتوبة إعلاميا، فطبعا ما يحصش أنت بالذات تفتح موضوع زي كده".