خبير جامعي مصري ببريطانيا: وجودي في الخارج لم يؤثر على هوية أسرتي
خبير جامعي مصري ببريطانيا: وجودي في الخارج لم يؤثر على هوية أسرتي
قال الدكتور محمد لطفي، أستاذ تمويل الجامعات بإنجلترا والمبعوث السامي لرئيس جامعة كوفنتري، إن وجوده ونشأة أولاده خارج مصر لم تؤثر على هويتهم العربية.
وأضاف خلال استضافته ببرنامج "مصر تستطيع" الذي يقدمه الإعلامي أحمد فايق على شاشة "dmc": "أنا إسكندراني، والإسكندراني بيفضل طول عمره إسكندراني، ومغيرتش حاجة في حياتي. ولادي يوسف ونائل أما تكلمهم تحس إنهم عايشين دايما في مصر، وعلاقتهم بالعائلة والأصدقاء قوية جدا".
وتابع: "حطينا في دماغنا إن ولادنا لازم يكونوا مصريين، وولاءهم لمصر وحبهم لمصر، وكان فيه مشكلة صغيرة مع الأولاد وهي نكلمهم بأي لغة خصوصا في مرحلة تكوين اللغة الأم، وكانوا عايزين يتكلموا إنجليزي عشان يحسوا إنهم جزء من المجتمع، ومكناش بنرد عليهم في البيت غير أما يطلبوا اللي هما عايزينه بالعربي، ولو طلب الحاجة بالإنجليزي مش بنرد عليه، وكان المبدأ إن اللغة العربية هي اللي هنتكلم بيها جوا البيت، لكن برا البيت نتكلم الإنجليزية".
