دم الشهيد
كل يوم بنموت يا بلدي
وانتي بصة في حتة تانية
يتنبح صوتي عليكي
تبعدي وتقولي جاية
رايحة فين يا مصر قولي
دم إبنك في الشوارع
جثته وردة ف جنينة
لسه خارجة م الجوامع
اصرخي مرة يا بلدي
رجعي حق الولاد
كل يوم بيموت شهيد
وإنتي شغالة ف عناد
لسه ساكتة ليه قوليلي
ليه ايديكي مكتفين
اتقتل إبنك قصادك
وانتي ساكتة من سنين
عايزة إيه يجرالنا تاني
ده الدموع في القلب نار
دمنا أصبح رخيص
والسكوت ده ذل عار
يللا قومي يا مصر تاني
وارجعي بلدي العظيمة
كسري كل القيود
واصرخي في عيون لئيمة
طفي ناري لو دقيقة
ريحيني م العذاب
يا تجبيلي حق أخويا
يا تدفنيني في التراب