بيكا يهاجم "الموسيقيين": بتوقف أكل عيشنا.. وده ظلم ومايرضيش ربنا
"ملناش سبقة في أي حته وطلعنا متربيين وولاد ناس وشقيانين من صغرنا"
مغني المهرجانات حمو بيكا
هاجم مغني المهرجانات حمو بيكا، نقابة المهن الموسيقية، بعد قرارها بمنع التعامل مع ما أسماهم "مطربي المهرجانات" نهائيًا.
وقال بيكا، خلال بث مباشر عرضه على صفحته بموقع "يوتيوب": "عاوز أوجه رسالة لكل اللي بيقف ضد نجاحنا وضد تعبنا، إحنا تعبنا وشقينا عشان نوصل للنجاح اللي إحنا فيه ده"، مستنكرًا التعليقات الهجومية على مغني المهرجانات بأنهم "بطلجية وصيع".
وأضاف "بيكا": "إحنا الحمد لله ملناش سبقة في أي حته وطلعنا متربيين وولاد ناس وشقيانين من صغرنا واتعلمنا، والحمد لله شقينا عشان نوصل للي إحنا فيه"، موضحًا أن قرار نقابة المهن الموسيقية بعدم التعامل معهم "مايرضيش ربنا ولا يرضي أي حد في العالم".
وتابع مستنكرا: "ليه بتوقفونا عن شغلنا وأكل عيشنا، ليه تطلعوا لكل واحد شق طريقة وتقفوا في طريقه، الحكومة بتاعتنا الحمد لله مش بترضى بالظلم، بس اللي النقابة بتعملوا معانا ده الظلم، يعني الناس في التليفزيون يتصلوا بينا ويطلعونا عشان ندافع عن حقنا، تروحوا إنتم تخاطبوا التليفزيون عشان يمنعونا من الظهور؟ ده ظلم".