فيديو.. إيمان الإمام تقدم عدد من النصائح لمواجهة كورونا
الدكتورة إيمان الإمام
قدمت الدكتورة إيمان الإمام في حلقتها الجديدة المنشورة على مواقع التواصل الاجتماعي، من برنامج "الاسبتالية"، عدد من النصائح لمواجهة فيروس كورونا المستجد.
وقالت: "لازم ناخد حذرنا إحنا منعرفش بنواجه إيه، ومازال أمامنا ألغاز كثيرة، بلا استثناء، لا نمتلك أي مناعة، وكلنا مؤهلين للإصابة بالفيروس، وكل خطوة هياخدها كل واحد للوقاية هتفرق، الفيروس في حالات كتير لا يسبب أي أعراض واضحة، وقادر المصاب ينشره للمحيطين، وهو مش حاسس".
وأضافت: "أنت جسمك ممكن يتغلب عليه لكن ممكن تنقله لأي حد وجسمه ميقدرش يقاوم كفاية، وساعتها هيحتاج لرعاية طبية، يعني هيحتاج أجهزة تنفس وأدوية ووقت ومجهود، والخوف إننا نوصل للحظة احتياج المرضى يكون أكبر من طاقة واستيعاب القطاع الطبي".
وتابعت: "الهدف حاليا هو إبطاء انتشار الفيروس لحد متقدر، أنظمتنا الطبية تستوعبه، ولحد ما نقدر نطور علاج أو تطعيم، وخطوات الوقاية بسيطة، ومش مكلفة، وهي غسل اليدين بالمياه والصابون، وعدم لمس الوجه باليدين، العطس والكحة، يبقى في منديل ولو مفيش منديل يبقى في كوعك، ولو ظهرت عليك أي أعراض للبرد التقليدي، التزم بيتك وامتنع عن الاختلاط بأي حد لمدة أسبوعين كاملين، ولا تتوجه لأي مكان، لأنك مش محتاج غير الراحة والغذاء والسوايل".