الوزير: ضغطنا على الأمريكان لإرسال الجرارات وقلنا هتجيبوها ولا نتصرف
المهندس كامل الوزير.. وزير النقل والمواصلات
قال المهندس كامل الوزير، وزير النقل والمواصلات، إنه تواصل مع رئيس الشركة المصنعة لجرارات السكك الحديدية شخصيًا في الولايات المتحدة الأمريكية، وكذلك مع البنك الكندي الممول للصفقة، وتعاقدنا مع شركة نقل من داخل مصر لنقل الجرارات من أمريكا لمصر، خاصة أنه لا توجد أي شركة نقل تعمل حاليًا في أمريكا بسبب فيروس كورونا.
وأضاف "الوزير"، خلال مداخلة هاتفية في برنامج "على مسئوليتي"، مع الإعلامي أحمد موسى، على شاشة "صدى البلد"، أن 20 جرارًا جديدًا وصل مصر أمس من الولايات المتحدة الأمريكية، بخلاف الـ10 جرارات الأولى التي وصلت مصر في الفترة الماضية، " الكلام ده حصل لما ضغطنا على الأمريكان، وقولنا لهم احنا محتاجين الجرارات دي، هتبعتوها ولا نجيبها من اتجاه آخر، وخلاص تخلوا الصفقة دي عندكم".
وتابع: "على الفور شحنوا الجرارات يوم 7 مارس ووصلت الميناء أمس، فلوسنا معانا ونقدر نتحرك ونقدر نشتري، وهذا ما حدث أيضًا في أول 10 جرارات، قولنا لهم هتدونا الـ10 جرارات بفلوسنا، ولا نتحرك، ونجبهم من حته تانية، وافقوا وخفضوا السعر عن السعر المتعاقد عليه وخدنا الـ10 جرارات، ووصل لنا أيضًا الـ20 جرار".
وواصل: "فيه 20 جرار كمان جاهزين اتفتشوا قبل الحظر، وبنتعاقد مع شركة نقل هنا عشان تروح تجبهم، هيكونوا هنا في أول اسبوع في شهر خمسة، يبقى عندنا في أول مايو 50 جرار، وإن شاء الله المصانع لا تتوقف في أمريكا، والشحن لا يتوقف، ويكون عندنا 110 جرار في منتصف شهر 10".