السيسي: وافقنا على طلبات الشركات الأجنبية بتأجيل التوريدات
السيسي
قال الرئيس عبدالفتاح السيسي، إنّ من بين أهداف لقاء اليوم، اختبار القدرة على افتتاح مشروعات في ظل الظروف التي تمر بها البلاد، مستدركًا: "دي مخاطرة وبقولها بمنتهى الصراحة، بس أنا خايف على روحكم المعنوية".
وأضاف الرئيس السيسي، خلال تفقده عناصر ومعدات أطقم القوات المسلحة المخصصة والمعاونة للقطاع المدني في مكافحة فيروس كورونا: "في مشروعات كتير تم تنفيذها السنة اللي فاتت وجاهزة للافتتاح دلوقتي، والمشروعات اللي قلنا إنها هتتأجل للسنة الجاية، لو في توريدات هنجيبها من شركات أجنبية، هل أقدر أفرض عليهم في ظل عملية الإغلاق الكامل على مستويات الحياة؟، قالوا مش هنقدر نلبي الطلبات في التوقيتات اللي متفقين عليها، فقلنا وقت ما الدنيا تبتدي تتحرك أكتر نبتدي نشتغل".
وتابع الرئيس: "شركات الدولة، وأقصد كل الشركات داخل مصر، لازم نبقى ضامنين إنها تبقى مؤمنة وآمنة وحركة العاملين فيها بنفس الكلام، عشان نستمر في عملنا".
كما انتقد الرئيس السيسي شائعة الـ500 جنيه، مؤكدًا أنّها ستقدم للمواطنين لكن دون حشد، متابعًا: "ندرس تقديم دعم العمالة المؤقتة على التليفون المحمول حرصًا على عدم التكدس".