السيسي: بنصرف أموال ضخمة للإصلاح وبنعوض الأهالي.. ساعدونا
السيسي: بنصرف أموال ضخمة للإصلاح وبنعوض الأهالي.. ساعدونا
تحدّث الرئيس عبدالفتاح السيسي، عن منطقة جسر السويس المربوطة بطريق (القاهرة - بلبيس) الصحراوي، قائلا: "هفكر المصريين، شيلنا العشوائيات اللي فيها وردمنا المصرف وعملنا المحور".
وعلق الرئيس على طريق (القاهرة - السويس)، قائلا: "وقت ما جه وقت توسعة محور طريق السويس، كان مستحيل توسعته إلا بأخذ أراضي من القوات المسلحة والهيئة العربية للتصنيع"، متابعا: "الطريق تكلف 3 مليارات جنيه، وشيلنا الأسوار ودخلنا جوا الوحدات العسكرية 25 متر بطول المحور بالكامل، وعرفنا نعمل ده عشان في فرصة، لو دي مساكن ناس كان لازم نشيل ونعوض".
وتابع الرئيس السيسي: "بقول الكلام ده وبكرره، مش معقول كل ما أجي أعمل محور في القاهرة أو إسكندرية أشيل الناس واعوضهم، إحنا بنصرف أموال ضخمة جدا للإصلاح ومش هنتردد في إنفاقها بس انتوا ساعدونا".
وأشار الرئيس إلى الوصلة بين الطريق الدائري الإقليمي والطريق الدائري، التي تم أخذها من أراضي القوات المسلحة في الهايكستب، قائلا: "طريق السويس كان حارتين، وكان بيقف تماما، وده كان بكام وقت ومجهود وفلوس، الفرق هنا إني أسهلك حياتك على أد ما أقدر".
