تبديل النوافذ.. هتسافر كل بلاد العالم وإنت قاعد فى مكانك
تبديل النوافذ.. هتسافر كل بلاد العالم وإنت قاعد فى مكانك
سافروا من الهند إلى أسبانيا ومنها إلى كل دول العالم، تنقلوا بين عدة شوارع في مدن مختلفة، كل ذلك دون أن يتحركوا من أماكنهم، هكذا كانت فكرة موقع "window swap"، وهي رؤية شوارع ومشاهد من مدن عديدة في بلدان مختلفة من نوافذ أشخاص ما.
انطلق الموقع خلال فترة الحظر، واستمر بعده، بعد أن لاقى إعجاب العديد من المستخدمين، وساهم في التنفيس عن أنفسهم، وتغيير مزاجهم.
محمد تميم، جذبته فكرة الموقع، وأصبح من المترددين عليه بشكل شبه يومي، حيث اعتاد بعد استيقاظه من النوم أو جلوسه في عربته، فتح الموقع لدقائق، لتغيير مزاجه، والابتعاد عن متابعة الأخبار ومواقع التواصل الاجتماعي: "باشوف العالم من نافذة شخص في مكان ما من العالم، ده بيديني شعور بالانبساط وبيأثر عليا بالإيجاب، باحس إنّي عملت حاجة جديدة ومختلفة، بيكون في ناس عامله لايف من شارعها وبشوف ناس بتبيع وناس ماشيه، وبتعرف على ثقافات بلد أخرى، كأنك باصص من البلكونة على بلد تانية".
يفكر "تميم" في خوض تجربة فتح بث مباشر من منطقته على الموقع، ومحاولة تشجيع السياحة المصرية: "هاحاول الفترة الجاية أعمل لايف من أي مكان، ممكن أعمل لايف من شرم الشيخ أو الأقصر عشان أشجع السياحة، مش هافتح والشارع فيه خناقة أو حاجه غلط، مش هاصدرلهم نموذج سيء عننا".
منذ فترة، يستخدم حسام كمال الموقع، رأى العديد من النوافذ في مدن وبلدان من كل أنحاء الأرض، ساهمت في راحته نفسياً، ونمت لديه حب السفر، واعتبرها فرصة للتخلص من الضغوط: "بحب السفر والفترة دي مش عارف أروح أي مكان، فالموقع بيحسسني إني روحت مكان جديد وشوفت بلاد كتير، أول ما أصحى من النوم بافتح كأني رايح المكان ده، باشوف في اليوم 5 شبابيك في بلدان مختلفة، بغير مزاجي بيه".
