وزنه 180 كيلو.. معاذ يضحك رغم التنمر: بيقولوا لي يا فشلّه
وزنه 180 كيلو.. معاذ يضحك رغم التنمر: بيقولوا لي يا فشلّه
دمه خفيف، روحه مرحة، حياته بسيطة وهادئة، إلا أن وزنه الثقيل الذي يتعدى الـ180 كيلو جرام، وشهيقه المتقطع بصوت مرتفع أحيانًا يضعه بموضع إحراج، حيث يواجه موجة كبيرة من السخرية على السوشيال ميديا، ويتعرض للتنمر والتعليقات الساخرة من بعض المحيطين به بسبب سمنته المفرطة وحركته البطيئة.
معاذ الشناوي، 23 عامًا، من أبناء محافظة دمياط، يتعرض للتنمر يوميًا، بسبب وزنه الزائد، ورغم ذلك لا يبالي ويواجه هذه التعليقات الساخرة، بابتسامة عريضة وجملة بسيطة: "شكرًا ربنا خلقني كده ومبسوط بنفسي"، بهذه الكلمات يحرص على الرد على المتطفلين والساخرين، وعدم الوقوع فريسة لتنمرهم أو الدخول في حالة اكتئاب شديدة: "بسيب اللي يتكلم يقول اللي هو عايزه ومش برد على حد وكل ما أنزل صورة ليا على الفيسبوك يقولوا لي يا تخين يا فشلّه.. بتلاقي لبسك فين.. بتاكل أكل أخواتك.. ايه يا عم الدهون دي كلها، كل ده تنمر بيضايقني بس هعمل إيه؟، بحاول أهونها على نفسي ومش بقفل عليا باب الأوضة وأفضل مكتئب لكن مش برد على حد وأنا اقادر أرد بأسلوب وحش بس أنا متربتش على كده، والمفروض إللي عايز ينصحني يعمل كده في وشي مش يروح يشرد لي على فيسبوك".
اتبع "معاذ" نظاما غذائيا صحيًا، بهدف إنقاص وزنه: "مش التنمر اللي خلاني أعمل دايت لأ أنا عملته عشان صحتي وعشان شكلي لكن كلام الناس عمره ما حركني ونظام بسيط جدًا منعت أي حاجة مواد حافظة ومفيها صودا والمعجنات والمقلي، وبقيت باكل أكل صحي جدًا وأنا نزلت من 197 لـ 180 كيلو وبشجع كل الناس وخصوصًا اللي زيي ميسمعوش للناس عشان ميحسوش بإحباط ويبدأوا من دلوقتي".
