تغريدة عن «الفلوس» لهيدي كرم على «إنستجرام» تثير استياء متابعيها
الفنانة هيدي كرم
أثارت تغريدة نشرتها الفنانة هيدي كرم، عبر حسابها الشخصي على موقع «إنستجرام»، انتقادات من متابعيها، حيث قالت في التغريدة: «الفلوس ممكن تشتري بيت بس ما تشتريش سكن وسكينة، ممكن تشتري أدوية لكن ما تشتريش صحة، تشتري ملذات لكن ما تشتريش سعادة، تشتري نفوذ وعلاقات لكن ما تشتريش حب وصداقة، ممكن تشتري رفاهية لكن ما تشتريش راحة بال، الفلوس مهمة جدًا جدًا في زماننا ده بالذات، لكن عمرها أبدًا ما هتكون الأهم».
لو مكنش معاكي فلوس مكنتيش هتكتبي الكلام ده
وقالت إحدى المعلقات على التغريدة «أنا بحبك جدا، بس فعلا الفلوس أهم حاجه، وبتعمل كل حاجه، اللي عنده فلوس دايما بيقول إنها مش الأهم، وأنا بالنسبالي وأي حد ظروفه صعبه وعليه دين، أقولك إنها الأهم جدا جدا جدا، ربنا يريح قلبك ويروق بالك»، بينما قال آخر: «دايما بنشوف الموضوع من برا طول ماحنا من حاسين سلبياته، لو إنتي مش معاكي فلوس عمرك ماكنتي هتكتبي كده على الرغم أن كلامك صح».
طب نوصل للفلوس الأول وبعدين نشوف الأهم
فيما قالت معلقة أخرى: «عايزه إيه يعني، مش فاهمه طيب، أنتم معاكم كل ده فلوس ونفوذ ومتعة وفسح وقصور وفلل وكل ملذات الدنيا، بس يمكن مش عندكم راحه البال، طيب نوصل للمهم وبعدين نشوف الأهم، هاتي الفلوس وملكيش دعوة أنا هعرف أتصرف، في أشخاص اختيارهم الأول والأخير في الحياة الفلوس والدنيا وملذاتها فقط».