أصيب بـ 11 جلطة متتالية داخل قلبه، ما افقد عضلة القلب القدرة على العمل بكامل كفاءتها وأصبحت تعمل بـ 40% فقط، وأقر له الأطباء بأنه غير قادرًا على العمل وحصل على معاش عجز من وزارة التضامن الاجتماعي منذ 2015، حتى تفاجأ العام الماضي بتشخيص خاطئ للدكتور يفيد بأن قدرة عضلته باتت تعمل بنسبة 73% وهو ما أدى إلى حرمانه من معاشه.
المرض هدني
أشرف محمد سامي 53 عامًا من أبناء منطقة الوايلي، ويعاني من مشاكل بالقلب وضغط دم مرتفع، وأصبح عاجزًا عن العمل منذ 6 سنوات بسبب حالته المرضية، ويعول حاليًا أسرة مكونة من 5 أفراد ولدين وفتاة في مراحل تعليمية مختلفة بين ابتدائي وثانوية عامة: «فجأة المرض هدني وأنا كنت بشتغل مندوب مبيعات يعني بلف على رجلي وكنت معروف أني راجل نشيط جداً وكل الناس عارفاني وبتحب تتعامل معايا عشان كنت بعمل شغلي على أكمل وجه لحد ما جتلي جلطة في التانية لحد ما بقوا 11 وقعدت في البيت».
ووفقاً إلى «أشرف» تصل قيمة العلاج الشهري له 1100 جنيه: «التكلفة عالية عليا ومصاريف العيال لوحدها تقطم ضهري وأنا نفسي ارجع اخد المعاش بتاعي من تاني اتوقف مني بقاله 4 شهور عشان الدكتور قال إن القلب بتاعي شغال بنسبة 73% وده مش حقيقي أنا لسه تعبان ومش قادر أتحرك والدكتور رفع لي نسبة عضلة القلب من غير كشف بمجرد ما شافني بس».
هنموت من الجوع
تقدم «أشرف» بتظلم إلى التأمين الصحي لإعادة الكشف عليه واستعادة معاشه، إلا أن التظلم قوبل بالرفض: «طب أنا أعمل ايه واصرف منين أنا وعيالي كده هنموت من الجوع بقالنا 5 شهور من غير معاش وبدأت ابيع في عفش الشقة»، مناشدًا بمساعدته.
تعليقات الفيسبوك