الهضبة يكشف مازحا سر صوره مع الفتيات: مش ملاحق بسبب «فاكرني ياحب»
الفنان عمرو دياب
«إكرمني يا حب المرة دي.. ماتشدش من رف الماضي.. ماتحطليش فوق قلبي حجر».. من كلمات أغنية «فاكرني ياحب» للفنان عمرو دياب، والتي استعان بها الهضبة خلال حفله الغنائي الذي أحياه مساء أمس الجمعة للكشف عن سبب التقاطه العديد من الصور الفوتوغرافية و«السيلفي» مع الفتيات والسيدات خلال الفترة الأخيرة.
وخلال الحفل كعادته مازح عمرو دياب الحاضرين قبل شروعه في غناء أغنية «فاكرني ياحب» بقوله «من ساعة ما غنيت إكرمني ياحب المرة دي وأنا مش ملاحق»، في إشارة لتزاحم الجنس الناعم حوله لالتقاط الصور التذكارية في أي مكان يظهر به.
كلمات أغنية فاكرني ياحب
أغنية «فاكرني ياحب» من كلمات الشاعر صابر كمال، وألحان وليد سعد ومن كلماتها:
أهو ده اللي كنت خايف منه وعمر الخوف مايرد قدر
عفريت الحب عليّ حضر وده قلبته سِم وياما غدر
تاجر غشيم وتجارته قمار يابتكسب دوبل ياتروح هدر
فاكرني ياحب؟ أنا زبونك السقع المضمون
كان قلبي هنا عندك مرهون
اديتني من الصنف المجنون أبو العُقد والذي منه
فاكرني ياحب؟ أيوة اللي غفلته عليك نور
ورجعتلك بعدها مقهور
وخدت غيره وبعد شهور طلع اللي بعده أسخم منه
إكرمني ياحب المرة دي.. ماتشدش من رف الماضي
متحطليش فوق جرحي حجر
بتخم ياحب؟ أولها كله بيبقى تمام
بس العيوب بتبان قدام
فجأة كده بتحصل قفلة
دي عيوب صناعة مش استخدام
بتخم ياحب؟ على العموم غلطة وتتداوى
ده جر خير مش جر عداوه
أنا عايز أحب.. إغطس وقب وإطلع بقى بحاجة نقاوة
إكرمني ياحب وحياة أبوك وهجيب صحابي ينفعوك
وفوق وخلي عندك نظر
وسيطر حفل عمرو دياب مواقع السوشيال ميديا خصوصًا مع سقوطه بشكل مفاجئ على خشبة المسرح، الأمر الذي أثار فزع الحاضرين ولم يطمئنهم سوى نهوض الهضبة سريعًا رغم شدة الألم الذي شعر لسقوطه على ركبتيه ويديه.