شركة تعرض على موظفيها أجازة في رمضان وكيلو فسدق وكاجو هدية
«صرف عدد كيلو فسدق وكيلو كاجو لكل موظف وعامل بالشركة، وتفضلوا بقبول فائق الاحترام مع وافر التحية»، هى فقرة ضمن قرار إدارى لأحد الشركات بشأن تنظيم العمل فى شهر رمضان، الأمر الذى أثار ضجة واسعة بين رواد مواقع التواصل الاجتماعي، الذين تداولوا المنشور على نطاق واسع.
ويتضمن المنشور المتداول: «قرار إداري، السادة الموظفين العاملين «أبناء الشركة»، تحية طيبة وبعد، كل عام وأنتم بخير بمناسبة حلول شهر رمضان الكريم، ونحيط علم سيادتكم بمواعيد العمل ومنح شهر رمضان».
ليتضمن القرار أيضا: «ابتداء العمل من الساعة 11 ظهرا حتى الثانية مساء، السهر بليل في البيت ومش قادر يجي الشغل يأجز مفيش مشكلة، اللي عايز يأجز الشهر كله ويشرفنا بعد العيد برضوا مفيش مشكلة، أنتم أولادنا، يتم صرف عدد كيلو فسدق وكيلو كاجو لكل موظف وعامل بالشركة، وتفضلوا بقبول فائق الاحترام مع وافر التحية».
وحصد المنشور الذى يحمل توقيع «محمود مرسي» رئيس قسم الموارد البشرية بإحدى شركات المقاولات «حسبما جاء في الورقة المتداولة مع تعليق «كل سنة وأنتم طيبين»، مئات التعليقات من رواد مواقع التواصل الاجتماعى.
ومن بين التعليقات الساخرة: «عنوانكم لو سمحت عشان اجى اقدم ع شغل، زى عندنا في إسكندريه بظبط ونشتغل على الشط أصلا، شغلوني معاكم تكسبو فيا ثواب، انا عايز من ده، فسدق؟ الكلام ده لمين، أنا قدمت استقاله من شغلي العالي واتمني اتبسط معاكو ف شغلي الجديد، جماعه شغلوني معاكوا الشغلانة اللي فيها كاجو دي».
وتوالت التعليقات بنحو: «هو شرط اللي يشتغل ف شركتكم يبقا عنده c.v محترم ،ما ينفعش القلب الطيب والسيره الحسنة؟ ، اسمها ايه الشركه دى، أكيد اسمها ولا بالأحلام، مش عازين دكاتره معاكم؟، أحلى شركه دي ولا ايه، هو ممكن تشغلوني معاكم وأخد كيلو الكاجو والفستق، حضرتك أنا عايزه اشتغل معاكوا، المؤهل انسانه جدعه، ما حد يقولنا في عنوان الشركة بالظبط، أي حد هياخد أجازة شهر رمضان أنا ممكن أشتغل مكانه لحد مايشرفنا بعد العيد».
وتواصلت «الوطن» مع مدير الموارد البشرية الذي أصدر القرار بشركة المقاولات ومقرها بالإسماعيلية، ويدعى محمود مرسي، موضحا أن القرار به بنود تحتوي على طابع الهزار والترفيه وهما البندين الثاني والثالث أي التأخير وعدم المجيء إلى العمل طوال شهر رمضان، وحكي «محمود»، أن أي شي يفعله مع زملائه والموظفين يكون بدافع الصداقة «احنا بنتعامل بمبدأ الصحاب وفي القسم بتاعي تحديدا في الشركة في شباب كتير وقريبين من بعض».
وعن حقيقة أن المواعيد ستكون 3 ساعات فقط في رمضان، أكد «محمود» أن الموظفين على علم بمواعيد العمل الرسمية في الشهر الكريم وبالفعل هي 3 ساعات فقط من 11 صباحا حتى الثانية مساء، «الإدارة ليها اتجاهات معينة في الشغل وفي رمضان في حاجات كتيرة بتتنفذ أونلاين».
ولم يتضمن القرار الذي أحدث ضجة بين مستخدمي السوشيال ميديا، مواعيد عمل بسيطة وكيلو فسدق وكاجو فقط، بل هناك منحة حصل عليها الموظفين بالفعل بمناسبة رمضان وهي 500 جنيها لكل شخص، «الناس مبسوطة بالقرار وفي العيد بياخدوا إجازة أسبوع كامل».
تعليقات الفيسبوك