«ماير» راح يشتري شقة لاقى الحمامين في حمام واحد: المشاركة حلوة
في رحلة بحثه عن شقة جديدة يسكن فيها، كانت له طموحات ومواصفات مختلفة يبحث عنها، وهي أن تكون مزودة بحمامين، حتى يوفر له الخصوصية، إلا أنه وجد مفاجأة غريبة ومثيرة للدهشة، وهي شقة شقة بها حمامين بالفعل ولكن في حمامٍ واحدٍ، وهنا كانت الصدمة له، ورغم أن مواصفاتها كانت متوافقة مع طموحاته لكنه رفضها.
ماير مرجان أحد سكان محافظة الجيزة، ويبحث عن مسكن جديد له داخل منطقة إمبابة: «كنت عايز شقة يكون فيها حمامين وكان نفسي فيها جداً واتفاجأت بها جداً أن الشقة فيها حمامين فعلا بس الحمامين في حمام واحد ومفصول بينهم بحتة خشبة، يعني شخصين يدخلوا مع بعض في حمام واحد واللي يفصل بينهم بخشبة» بحسب «ماير» وقال حينها إنه صُدم وتفاجئ بشكلٍ كبيرٍ، ولم يتفق على شراء الشقة بل على العكس تركها: «رغم أن الشقة كانت عجباني جداً وكانت زي ما أنا عايز بالظبط بس مستحيل اشتريها عشان منظر الحمامين مع بعض دول».
وبعد أن تفاجأ «ماير» بوجود الحمامين معاً في حمام واحد: «أول حاجة سألت السمسار إزاي يعني شقة فيها حمامين في حمام واحد قال لي أصل دي كانت حضانة، وكانوا بيقعدوا طفلين مع بعض في حمام واحد، وطبعا صحابها سابوها ومحدش هدّ الحمامين خالص ومع ذلك برضه مشتريتهاش لأني مش عايز شقة أفضل اشتغل فيها وافضل اهدّ وابني».
ووفقاً لـ«ماير» أن الشقة كانت لها موقعاً مميزاً داخل منطقة إمبابة: «موقف الشقة ده بالنسبة لي كوميدي وهفضل أحكي فيه من كتر ما هو صادمني وفي نفس الوقت مضحكني لأني أول مرة أمر به في حياتي وبقى نكتة حياتي فعلا»، ولا يزال «ماير» يبحث عن شقة سكنية تناسب طموحاته وأحلامه.
تعليقات الفيسبوك