مؤلف «موسى» يكشف تفاصيل شخصية المسلسل: اسمه يحمل معنى «النجاة»
مؤلف مسلسل موسى: محمد رمضان لديه نجومية ساحقة
محمد رمضان من مسلسل موسى
تحدث الكاتب والسيناريست ناصر عبدالرحمن في تصريحات لـ «الوطن» عن مسلسله «موسى» بطولة الفنان محمد رمضان، بعد أيام من عرضه في رمضان 2021، وتحقيقه نسب مشاهدة عالية ونجاح وتفاعل كبير من الجمهور على السوشيال ميديا وتصدره محرك البحث جوجل عدة مرات.
ناصر عبدالرحمن: شخصية موسى قبطان سفينة يبحر من الجنوب للشمال
وحكى السيناريست عن شخصية موسى بطل المسلسل وسبب حبه الشديد له، حيث وصف الدور بأنه قبطان سفينة يبحر من الجنوب للشمال، ويتعرض لمخاطر وأمواج وصعوبات شديدة جديدة، حتى يستطيع أن يرسو بالسفينة ويخرج من بحر الألغام والمتاعب والأحداث الدامية إلى بر الأمان: «معاه جوه السفينة بتاعته كتيبة جامدة من كل الممثلين اللي عملوا شخصيات جامدة جدا وأداء فظيع كل ده في السفينة بتاعت القبطان اللي هيورينا إزاي بيبحر من الجنوب للشمال وإزاي هينتصر على الصعوبات»، ومن هنا جاء اسم «موسى» وفقا لقول ناصر وهو يدل على النجاة.
وأعرب ناصر عن سعادته الكبيرة في أداء محمد رمضان دور البطولة في مسلسل موسى، ووصفه قائلا: «فكرة أن محمد رمضان يقوم بالبطولة فرحتني جدا لأن عنده نجومية ساحقة ومحدش يقدر يقوم بالدور ده غيره وكمان عشان سنه عبقري مين اللي يقدر يعمل عشرينات وعنده 35 سنة غيره مفيش وملامحه مصرية زي أحمد زكي لازم نستغل ده».
هل أثرت أزمات محمد رمضان الأخيرة على عمل المؤلف معه؟
استكمل السيناريست حديثه عن محمد رمضان: «ممثل كويس جدا وكل اللي يخصني فيه قدرته على أداء الشخصيات وهو فعلا قدير يقدر يعمل الشخصيات دي بكل سلاسة ومندمج جدا مع الشخصية متقدريش تفصلي موسى اللي مكتوب عن موسى اللي على الشاشة كلنا حبينا موسى من أول حلقة، ده المهم مش أزماته».
وناصر على صلة بمحمد رمضان منذ عام 2006 عندما كان يجهز أول بطولة له في فيلم اسمه «ستر وغطاء» إخراج عاطف حتاتة وإنتاج مصر العالمية ودعم العمل مهرجان كان، ولكن لم يتم تنفيذه لظروف ما، وكان ذلك قبل مشاركة رمضان في أحكي يا شهر زاد.
وجدير بالذكر أن المسلسل يدور في فترة عام 1942 إلى 1952.