بيكا: خسرت فلوس كتير عشان بشتري عربيات موديل السنة وببيعها بعد 4 أشهر
لما كنت نجار مسلح كنت راضي بعيشتي
المطرب الشعبي حمو بيكا
عرض برنامج «لحظات جريئة»، الذي يعرض عبر شاشة «القاهرة والناس»، تصريحات عدد من المشاهير حول أهمية المال بالنسبة إليهم، حيث أكد مطرب المهرجانات الشعبية حمو بيكا: «الفلوس مش بتفرق معايا، أنا ضيعت فلوس كتير أوي، والفلوس الكتير بتعمل مشاكل، خسرت كتير وكنت كل سنة بركب عربية موديل السنة، وأبيع العربية بعد 4 أشهر وأخسر، ومش كل اللي معاه فلوس مرتاح باله، ولما كنت نجار مسلح كنت راضي بعيشتي»، بينما قالت الفنانة سلوى عثمان، إن الفلوس مهمة جدا، لكن الصحة أهم منها، أما الستر فله أكثر من شكل، منهم الفلوس.
حسن شاكوش عن اعتزاله إذا حصل على 10 ملايين دولار: مش الفلوس اللي تبطلني
وسأل الإعلامي أحمد سالم مقدم البرنامج، المطرب حسن شاكوش: «لو جالك 10 ملايين دولار تبطل شغل؟!»، ليرد شاكوش نافيا: «هي الفلوس اللي هتخليني أبطل شغل؟! مش هشبع، الطموح والاجتهاد ونجاحي حاجة والفلوس حاجة تانية».
الست بتحب الفلوس أكتر من الرجالة
أما الإعلامية ياسمين الخطيب، فقالت، إن معظم من يقلن إنهن لا يفضلن المال كاذبات: «معظمهن كاذبات لأن الست بتحب الفلوس أكتر من الراجل، والست الحلوة تحب شكلها، تلبس حلو والفساتين والساعات، وكل ده محتاج فلوس، ومبحبش الكلام بتاع إن الفلوس مش بتشتري السعادة، بشوفه كلام بيطفي الطموح، لأنها بتشتري حاجات كتير حلوة وأنواع كتير من السعادة».
مفيش حاجة اسمها الفلوس متقدرش تشتري راحة البال
وأضافت: «ومفيش حاجة اسمها الفلوس متقدرش تشتري راحة البال، لأن جزء كبير من راحة البال يتحقق لما الإنسان يبقى حاسس بكرة هيعمل إيه ومعاه المصاريف، لكن الفلوس متقدرش تشتري الصحة».
وأكدت الفنانة ليلى عز العرب، أن المال مسؤولية وبالتالي فإنها تفضل أن تعيش «مستورة»: «لو الواحد اغتنى هيتسأل أكتر».