«عاوز سلاح خبوني».. هنيدي يشارك في لعبة بابجي بتعليقاته الصوتية
محمد هنيدي
في خطوة مفاجئة جديدة من الفنان محمد هنيدي، سيقدم الفنان تعليقا صوتيا على لعبة بابجي مع اللاعب الشهير ترابون وسيظهر صوت هنيدي أثناء لعب الأشخاص اللعبة التي تحظى بنسب لعب عالية على مستوى العالم.
وبمجرد نشر ترابون هذا الخبر على صفحته على موقع التواصل الاجتماعي فيسبوك مع إشارة (تاج) إلى هنيدي ظهرت تعليقات الفنانين ومن بينهم الفنان محمد سلام الذي قال تعليقه الشهير «خدوني معاكم»، وطالب ترابون من الجمهور دعم هنيدي من أجل يستمر في المشاركة في اللعبة الأكثر شهرة.
وظهرت تسجيلات صوتية للفنان محمد هنيدي وهو يتحدث في لعبة بابجي مستخدما أشهر إفيهاته.. قائلا: «يلا بينا يا عيال أنا وراك أهو.. دول عاملين لنا كمين طب أنا هخلع بقى عشان أمي في المستشفى.. تعالوا نتجمع هنا.. انقذوني.. انتشروا يا عيال.. ادخلوا الأوضة.. هجوووم.. عاوز سلاح خبوني.. مش تبعنا اللي جنبي ده.. متضربش نار.. وطوا راسكم.. متتسربعش .. ازحف ياض.. قدامنا عدو.. أنا معايا سلاح.. خش شمال شوية.. تعالوا نحزمهم ونقفل الجسر.. يووه خليك ورايا أنا اللي هسوق يسطا.. خليك ورا الشجرة ورا الفرع ده بالتحديد.. هنموت وربنا هنموت.. اجرى للزون يابني اجري.. فريق واحد هيكسب وأكيد مش إحنا.. خش الدايرة واتعالج وطي.. متقلقش أنا هسندك.. معايا دم ياللي معندكش دم.. افتح الميكروفون سمعونا الجاعورة تمام أوي كده.. حبيبي تسلم موتنا العدو».