مفيهاش عكار
مفيهاش عكار
ويا ابن الإيه ملخبطنى وعقلى احتار
كلام لولى ومتلضم كأنه ف خيط
ومهما البق بيكلضم وبيبلضم كلامه بسيط
ومن شبرا وللعتبة تدوب الجزمة ف المشوار
شوارع مصر يا حلوة
بدوب فيكى وأحب المشى ليل ونهار
وبعشق ناسك الحلوة
وأنا تايه وفين الدار
ولا يسبنى على القهوة لا بد فطار
ولازم شيشة ومعسل
وشاى ميزة وباكو فشار
طلاق من بيتى ما تمشى هروح ويَّاك
يا عمى دا بيتى فى الجيزة ودا مشوار
هنتقابل كمان مرة
ورن علىّ مش هفتح
يدوب رنة تطمنى
وصلت الدار
ولا بينى ولا بينه آلاف أمتار
دا بس شربنا من نيلها
عسل صافى مفيهش عكار
