«موفاسا» مات بجرعة تطعيم فاسدة.. آآآآه يا موفاسا

«وداعاً موفاسا.. مات بسبب جرعة تطعيم فاسدة. الناس مابقاش عندها ضمير»، هكذا نعت عزة أيوب، مربية كلاب، «موفاسا» الذى نفق بعد حقنه بجرعة تطعيمات تبين أنها غير صالحة. حزن «عزة» على كلبها «موفاسا» دفعها إلى تنظيم حملة لمحاربة جميع العيادات والمستشفيات والجهات التى تقدم أدوية وتطعيمات فاسدة للحيوانات حتى تكون عبرة: «هنجمع كل أصحاب الكلاب اللى ماتت بسبب الإهمال ولازم نعمل حملات ونفضح كل الناس دى.. أرواح الكلاب مش هتروح هدر». ووجهت «عزة» نصائح لأصحاب الكلاب حتى لا يثقوا فى التطعيمات أو الأدوية التى تقدم لكلابهم: «خلوا بالكو.. التطعيمات تجيبوها من مصادر موثوق منها، محدش يسألنى منين لأن أنا شخصياً فقدت الثقة فى كل المصادر، البنى آدمين بتموت فى المستشفيات والكلاب بتموت من التطعيم، هو الواحد لو عاوز علاج صح يروح فين؟». «عزة» أكدت لـ«الوطن»: «الناس دى تفكيرها غريب، بيفكرو إن معاك فلوس مش عارف توديها فين فبتشترى كلب وبتدلعه، المهم هو يكسب إزاى، ومابيفرقش معاهم إن دى روح ليها حق فى الحياة».