بالصور| سائقو الـ"توك توك" للحكومة: الرحمة قبل القانون.. هنموت بالجوع

تظاهر العشرات من أصحاب الـ"توك توك"، في مدينة بلقاس بالدقهلية، اليوم، أمام إدارة مرور بلقاس للمطالبة بالإفراج عن "التكاتيك"، مؤكدين أنها مصدر رزقهم الوحيد. وناشد المتظاهرون، رئيس نيابة بلقاس، بإصدار قرار لتسليمهم الـ"توك توك"، بدون غرامات وإعطائهم مهلة للسير في إجراءات التراخيص اللازمة. وقال المتظاهرون:" كل الـ"توك توك" فاتح بيوت ناس كتير مش لاقية أكل ولا لها أي رزق غيره فإزاى الحكومة تقف ضدنا وتصادره.. يعنى نموت من الجوع". وأضافوا:" فوجئنا بضابط المرور يصادروا التكاتيك بحجة عدم ترخيصها وفرض مخالفات بقيمة 2500 جنيه.. هنجيب منين.. التكاتيك دي بالتقسيط ولسه بنسدد في تمنها". وتابعوا:" طول عمر التكاتك من غير رخص ومانعرفش إن في قانون جديد علشان نرخص لها وقدمنا طلب لرئيس النيابة للإفراج عنها لكنه رفض واحنا دلوقتي مهددين بالسجن بسبب الشيكات اللي اشترينا بها الـ"توك توك" فياريت الحكومة ترجعها لنا علشان نسدد لها المخالفة ونستخرج التراخيص.. ياريت الحكومة تنظر لنا بعين الرحمة قبل القانون".