لافتة ترحيب أهالي "المطرية" بمحافظ الدقهلية.. "أهلا وسهلا"

حضوره الدائم، وتطوير المنطقة التي تحسنت شوارعها على يديه، والزيارات المفاجئة المسببة منها وغير المسببة، وسماعه لشكاوى المواطنين.. مجموعة أسباب دفعت أهالي المطرية بالدقهلية لتصميم لافتة كبيرة (بانر) في أول زيارة لـ"حسام الدين إمام"، محافظ الدقهلية، تقديرًا لمجهوداته وعلاقته الطيبة بأهالي المنصورة. "رئاسة مركز ومدينة المطرية ترحب بمحافظ الدقهلية وصحبه الكرام"، مضمون رسالة الترحيب، التي علقها الأهالي بمشاركة رئاسة المركز، قبل قدوم المحافظ الجديد مدينتهم. محمد السعاتي، أحد أهالي المطرية وصاحب فكرة تعليق اللافتة في الشارع، يقول "الراجل ده قبلته أكتر من مرة في شوارع المنصورة بالصدفة من يوم ما مسك المحافظة، ومن كتر ما هو معروف أن شغله كله في الشارع من أول متابعته لأعمال النظافة وتجميل الشوارع بنفسه لحد أكبر حاجة، فكرت أنه لما يجلنا المطرية نعمله رسالة ترحاب وقدمتها في المركز ووفقوا عليها وعلقناها يوم ما كان جيلنا". ظهور المحافظ من دون حراسة، أكثر ما لفت انتباه "السعاتي" وأهالي مدينته في الزيارة، "فضل يسمع لشكاوى الناس ويوعد باللي يقدر يحلها، وأكتر حاجة خلتنا نقتنع بيه أنه نازل مش عامل فيها مهم وخلانا حواليه عادي، بس كانت فيه ناس معاه رافضة أننا نصوره وكل واحد فينا كان بيتكلم معاه بالدور"، سعادة المحافظ باللافتة، كان الأهم بالنسبة للشاب الثلاثيني والأهالي دون هدف أو غاية، "إحنا معملناش كده عشان مصلحة ولا بنافق، كل هدفنا أننا كنا نقدم ليه لافتة نرحب فيها بيه إنه جالنا عشان يشوف مشاكلنا، وفعلاً الراجل أول ما شفها شكرنا كلنا وكان مبسوط جدًا بيها، لأنه مثال للمحافظ المجتهد واللافتة تقدير لمجهوده".