أخيرا الباسبور مفيد.. مصري يعرب عن فرحته بدخول حديقة ألمانية مجانا

02:05 م | الأربعاء 19 أغسطس 2015

في مفارقة غريبة بعض الشيء على المصريين، قررت إدارة حديقة النخيل بفرانكفورت الألمانية دخول حاملي جواز السفر المصري من أهالي العاصمة القاهرة، مجانًا، إضافة إلى بعض المناطق السياحية الأخرى.

ويقول مصطفي حجازي، طالب مصري مقيم في ألمانيا ويعمل بمطار فرانكفورت:"صديقي هو اللي قالي علي الموضوع ده وقالي ان الراجل اللي صدر ليهم النخل كان شرطه الوحيد انهم يدخلوا المصريين من القاهرة ببلاش، واستكمل روحت بنفسي من يومين وسألت هل فعلا اللي من القاهرة يدخل ببلاش قالوا لي اه ودخلت".

وأضاف حجازي لـ"الوطن":" دورت على النت لقيت ان فرانكفورت عامله حاجه اسمها partner cities، ولقيت ان القاهرة موجودة ضمن المدن دي في ألمانيا والقرار لايقتصر علي هذه الحديقة فقط بل توجد أماكن سياحية أخرى تطبق هذا القرار مثل معهد جوته الألماني وعدد من المتاحف".

وكان حجازي قد كتب علي صفحته الشخصية على موقع التواصل الاجتماعي "فيس بوك" بعد زيارته للحديقة: "جواز السفر المصري يا جماعة.. ناس هتقول ملهوش لازمة.. وناس هتقول بيجيب مشاكل.. لا بقي أنا عايز اقولكم اني لقيت له فايدة ..النهارده يا جماعة دخلت جنينة النخل في فرانكفورت ببلاش بس لأني مصري ومن القاهرة".

يذكر أن مصطلح partner cities يعني المدن التوأم أو المدن الشقيقة، وهو شكل من أشكال الاتفاق القانوني والاجتماعي بين البلدات والمدن والمقاطعات، لتعزيز العلاقات الثقافية والتجارية وتبادل الثقافات.