والله ما رضيت أقتلها

01:08 ص | السبت 19 سبتمبر 2015

«لفيت كتير تحت البيت، وقلت أطلع وأنا عارف رايح فين، رايح أسرق، دخلت من شباك المطبخ ولقيت ست كبيرة فى الشقة لابسة دهب، صرخت لما لقتنى، كتمت نفسها وسرقت الدهب والفلوس وهربت»، بتلك الكلمات أقر «أحمد» بجريمة السرقة بالإكراه ارتكبها بحق سيدة مسنة فى مدينة الإسكندرية، نجت من موت محقق واستجابت لرغبته فى السرقة وسلمته أموالاً وذهباً لتنجو بحياتها، التفاصيل كاملة فى تحقيقات النيابة، التى استمعت لأقوال الضحية وانتقلت لمعاينة المنزل، وسجلت كيفية دخول المتهم، ووجهت له تهمة السرقة بالإكراه واقتحام مسكن وبث الرعب، وقررت حبسه 4 أيام على ذمة التحقيقات، قرر قاضى المعارضات تجديدها 15 يوماً على ذمة التحقيقات، وواجهت النيابة المتهم بالمجنى عليها وتعرفت عليه وقالت إنه هو وتعرفت أيضاً على المسروقات التى كتبت أوصافها وتفاصيلها بدقة فى محضر الشرطة، القضية بصدد الإحالة إلى محكمة الجنايات.{left_qoute_1}

العميد شريف عبدالحميد، مدير مباحث الإسكندرية، تلقى بلاغاً من «أ. غ»، أستاذ مساعد بجامعة الإسكندرية، أكد فيه أن والدته التى تقيم فى شقتها بشارع قناة السويس بمحرم بك اتصلت به وهى تصرخ ومنهارة، وأكدت أن مجهولاً تسلل إلى شقتها وسرقها بالإكراه وأنها تعيش بمفردها وفشلت فى مقاومته وسلمته ذهباً وأموالاً وهددها بالقتل وهرب من المكان قبل أن تستغيث بجيرانها، وأن المتهم حاول قتل والدته وتعدى عليها بالضرب وحاول خنقها لإجبارها على إرشاده لمكان المشغولات الذهبية والمبالغ المالية فى الشقة تحت تهديد القتل، وهو ما حدث وسلمته العجوز ما يريد وهرب مباشرة عقب الاستيلاء وهددها بالقتل إذا ما أبلغت الشرطة بتفاصيل ما حدث.{left_qoute_2}

انتقل فريق من مباحث الإسكندرية إلى مسرح الجريمة وأجروا معاينة للمكان، وكان بصحبتهم رجال الأدلة الجنائية الذين رفعوا بصمات تركها الجانى على شباك المطبخ وعلى بعض المقاعد فى الشقة، وقالت لهم العجوز: «كنت فى الشقة هنا أقيم بمفردى وفوجئت وأنا أتابع التليفزيون بشاب أسمر اللون أو قمحى داخل الشقة، صرخت فى وجهه عايز إيه؟ وإيه اللى جابك هنا؟ وبصراحة خفت يموتنى، ولقيته بيخنقنى وبيسأل الدهب والفلوس فين، فين هاقتلك، فين اتكلمى، والحقيقة أنا قلت له على مكان الدهب والفلوس وبعدها ضربنى وهددنى بالقتل وأخد المسروقات وهرب».

المجنى عليها أضافت فى أقوالها: «أنا اتكتب لى عمر جديد لأنى تقريباً فقدت الوعى بعد ما خنقنى، وفضل يضربنى، رغم سنى الكبير، وهددنى بالقتل عشان أقوله على مكان الفلوس والدهب، فضلت أقوله يا بنى حرام عليك، أنا ست كبيرة مستحملش كده، وهو كان بيقولى هموّتك، لما فقت واستوعبت اللى حصل، رحت عند الجيران لأنى كنت خايفة جداً أقعد لوحدى فى الشقة، واتصلت بابنى وهو بلغ البوليس».{left_qoute_3}

مدير المباحث أمر بسرعة تكثيف الجهود لضبط المتهم، وتم توزيع نشرة بمواصفات المتهم، نظراً لما تتسم به الواقعة من خطورة إجرامية، وعقب ساعتين من البلاغ تمكن المرشد السرى بمنطقة محطة مصر، من قوة مباحث العطارين، من ضبط المدعو أحمد محمد إبراهيم قاسم، عامل ومقيم بمساكن عثمان، بدائرة قسم مينا البصل، بحوزته مبلغ مالى وقدره 6855 جنيهاً، و4 غوايش ذهبية وعدد 2 خاتم ذهبى وسلسلة ذهبية، وعدد 2 هاتف محمول.

بمواجهته أقر بقيامه بسرقة الأموال والمشغولات الذهبية من إحدى الشقق السكنية بشارع قناة السويس بدائرة قسم محرم بك، وتعرفت المبلغة على المتهم والمسروقات خاصتها واتهمته بسرقتها كرهاً عنها، بوضع يده على فمها لمنعها من الاستغاثة، وبمواجهة المتهم بالمجنى عليها أمام النيابة العامة تعرفت عليه وبتوقيع الكشف الطبى عليها تبين إصابتها بكدمات بالرأس والظهر، نتيجة تعرضها للاعتداء من قبل المتهم.

ومن جانبه، قال المتهم فى التحقيقات: «أنا طلعت على المواسير، ولقيت شباك مفتوح فى مطبخ بالدور الأول دخلت منه، لقيت الشقة فيها ست كبيرة نايمة ومفيهاش حد تانى، حاولت أدور على فلوس أو دهب ملقتش، بس لاحظت إنها لابسة دهب، فجيت آخده صحيت، وحاولت أكتم صوتها، وهددتها بالقتل، عشان تسيبنى آخد الدهب والفلوس». وأضاف «ضربتها عشان متتكلمش، وحطيت منديل على بقها عشان متصرخش، وأخدت الحاجة ومشيت، أنا كنت عايز فلوس وخلاص، وكنت ناوى أبيع الدهب فى محطة مصر بسرعة قبل ما البوليس يحس بحاجة، بس اتقبض عليَّا هناك والله ما رضيت أقتلها، قلت ست كبيرة وأنا أسرق وخلاص، كنت خايف أشيل ذنبها لو ماتت فى إيدى، كان سهل أقتلها لكن قلت أسرق وخلاص، وعشان كده سبتها عايشة».

تحرر محضر عن الواقعة رقم 6 أحوال قسم العطارين، وبالعرض على النيابة قررت حبس المتهم أربعة أيام على ذمة التحقيقات، وأمرت النيابة العامة بإعادة المسروقات إلى أصحابها.