المطربة صوفيا تطرح خامس أغنياتها بعنوان «زي الجبل»
المطربة صوفيا تطرح خامس أغنياتها بعنوان «زي الجبل»
طرحت المطربة صوفيا أحدث أغانيها بعنوان «زي الجبل»، من كلمات وألحان حمادة فراويلة، وتوزيع وميكس وماستر أحمد وجيه، وإشراف عام سعيد إمام وإنتاج روتانا.
صوفيا تطرح أغنية جديدة
وتأتي أغنية «زي الجبل» بعد تعاون صوفيا مع عدد من كبار صناع الموسيقى من الشعراء والملحنين والموزعين في أغنياتها السابقة، منهم تامر حسين وملاك عادل ومحمد يحيى وغيرهم.
وتقول كلمات أغنية زي الجبل:
أنا أبان تمام بس جوايا متكسر مدمر مفيش غير خراب
وبالليل بالذات في بيني وبين الذات عاركة تتعب الأعصاب
القلب مدينة ما فيها سكان
النار ما سابت مكان والحلو اللي باقي منه مش هتلاقي غير حبة تراب
بس زي الجبل وبصبر جمل معرفش مالي معمولي عمل
ولا طب أي جرالي طب أي اللي حصل
وأنا طيب زى أبويا متعودتش أخون والناس بوشوش كثيرة على كل لون تتلون
الله يسامحك يابا ليه مقولتليش من الأول وزرعت فيا طيابة
والدنيا غير الأول
سيبوني في حالي معرفش عين مين دي اللي راشقة في حياتي وقالبة كياني
شيفني من برة بس أنا من جوة والله بعاني
لو فاكرين حياتي جميلة تعالوا عيشوا مكاني
ده عينكم صابتني على الأرض وربي نجاني
بس زي الجبل زي الجبل ويصبر جمل
معرفش مالي معمولي عمل.
أعمال صوفيا الفنية
وتأتي أغنية «زي الجبل» بعد طرح المطربة صوفيا عدة أغنيات منها «يازعلانين» من كلمات تامر حسين وألحان مصطفى شكرى وتوزيع أحمد وجيه، وأغنية «بتحكي في إيه» من كلمات ملاك عادل وألحان محمد يحيى وتوزيع جيزو، وأغنية «ربنا استجاب» كلمات محمد الغنيمي وألحان راعي وتوزيع شريف قاسم، وأغنية «لفة» كلمات حماده فراويلة.
