بالصور| مُسن يدلي بصوته: "عندى 83 سنة وشاركت علشان الشباب يغيروا مني"
بالصور| مُسن يدلي بصوته: "عندى 83 سنة وشاركت علشان الشباب يغيروا مني"
عجوز يدلي بصوته في سوهاج: نزلت عشان لسه فيه أمل.. والشباب يغير
"عندي 83 سنة وجاي انتخب في مجلس النواب 2015 علشان لسه عندي أمل كبير في مصر، وأخلي الشباب الكسلان اللي مش شايل هم البلد ومسؤوليتها يغير مني" بهذه الكلمات بدأ رسمي ورسي غبريال، صاحب محل أحذية حديثه لـ"الوطن،" عقب الإدلاء بصوته الانتخابي في لجنة رقم 193 بمدرسة سوهاج الثانوية العسكرية.
وأضاف الرجل الثمانيني ذو القامة المنحية والجسد الضعيف: "أنا ساكن في منطقة نجع أبوشجرة وجاي ماشي لحد اللجنة التي تبعد حوالي 500 متر عن البيت مع أحفادي، ولاد بنتي، لأدلي بصوتي في الانتخابات علشان البلد تمشي وحالها يتصلح وترجع حلوة ذي الأول وكمان أحسن".
وتابع: "من يوم ما بقى لي صوت انتخابي وأنا مفوتش ولا مرة في الانتخابات، كل مرة لازم أصوت علشان أبقى مشارك في صنع القرار بصوتي ده". ويلفت "غبريال": "أنا صاحب محل أحذية بمنطقة نجع أبوشجرة وسبت المحل وأكل عيشي علشان أجي أقول نعم لاستكمال خارطة الطريق ونجاح مصر".