الحاجة سعدية: نزلت عشان مصر بنتي البكرية.. وعبء المرض أخف من عبء البلد
الحاجة سعدية: نزلت عشان مصر بنتي البكرية.. وعبء المرض أخف من عبء البلد
الحاجة سعدية
جاءت يحملها عكازها.. تبحث عن اسمها للوصول إلى لجنتها والتصويت لصالح المرشح الذي تراه هو الأنسب.. الحاجة سعدية سليم الحبشاوى (70 عاما) أصرت على أن تأتي للجنتها الانتخابية متكئة على عكازها، بيد والأخرى تؤازرها يد ابنتها.
"طبعا كان لازم اجى انتخب.. عبء البلد كبير أكثر بكثير من عبء المرض والتعب.. اللى بيحب بجد لازم يتصرف بقلب حقيقي.. ومصر دي كبيرة وحبيبة وقريبة وتستاهل الاستجابة لما تنادينا.. لازم نقدر وقفة جنودنا وجيشنا وشرطتنا وخطاب رئيسنا"، هكذا بررت لـ"الوطن" من أمام اللجنة سبب تكبدها كل هذه المشقة وهي صاحبة المرض.
وأضافت الحاجة سعدية "جيت عشان فاكرة رجولة وقوة وطيبة رئيسنا لما نادينا عليه وقال نعم، انزل احمينا من إرهاب الاخوان نزل، انزل ابقى رئيس رشح نفسه، وهو كان يعنى ناقصه إيه ما كان وزير دفاع زى الفل، لكن علشانه قال حاضر ونزل رشح نفسه وشايل حمل جبال يبقي ازاى منزلش لما جه علينا الدور"..
وتابعن "مصر بنتى البكرية، والسيسي ده ابنى، والشباب طفشان معرفش فين وقاعد يقول كلام مش مفهوم، انزل وقول هنا بالورقة والقلم وجهة نظرك.. يارب أطرح البركة في مصر ورئيس مصر وكل اللى يحب مصر وخاف عليها ويقولها حاضر".