بالصور| كبار السن شاركوا في الانتخابات بالإسماعيلية: "طالما فينا نفس يبقى الوطن له حق"
بالصور| كبار السن شاركوا في الانتخابات بالإسماعيلية: "طالما فينا نفس يبقى الوطن له حق"
كبار السن في المقار الإنتخابية للإدلاء بأصواتهم
حرص عدد ملحوظ من كبار السن على الذهاب إلى المقار الانتخابية للإدلاء بأصواتهم بلجان الإسماعيلية المختلفة حيث سجلت المؤشرات المبدئية أنهم الفئة الأكثر مشاركة في الانتخابات لكن من المشاهد التي أثرت بحضورها في المشهد الانتخابي بالمحافظة هو عدد من كبار السن أصحاب الصحة العليلة بجانب من وضعوا أجسادهم على الكراسي المتحركة من أجل استكمال كراسي البرلمان بأعضاء الـ13 محافظة المتبقية من بينهم الإسماعيلية التي شهدت منافسة ساخنة بالفعل في اليوم الأول لانتخابات المرحلة الثانية.
وقال محمد عبدالعظيم (65 عاما، بالمعاش): "جيت بكل طيب خاطر وعزيمة ما فيش حاجة اسمها ظروف صحية ما دام في نفس يبقى الوطن له حق وقال باسما.. جيت بالكرسي عان انتخب نائبا لكرسي البرلمان بالإسماعيلية، نزلت برضاء تام عن إجراء الانتخابات البرلمانية عشان نكمل ونبارك إتمام خارطة الطريق لازم نشارك ونسجل مشاركتنا ونحفز جيل الشباب ونحثهم على النزول لزيادة نسبة التصويت وإن شاء الله تزيد وتبقي مصر أد الدنيا وأم الدنيا على رأي رئيسنا قدوتنا تحيا مصر ويحيا السيسي اللي بجد بيحب مصر".
وقالت سميرة عبدالرحمن، ربة منزل: "طبعا لازم أشارك وأنزل وأقول كلمتي في البرلمان اللي هيتسع لصوتنا ونقل احتياجتنا مش المهم إن المشكلة تبقى، خاصة ما إحنا طول عمرنا مشكلتنا واحدة واحلامنا واحدة وأحزانا برضه واحدة وبييجي الفرح بيلمنا كلنا ليه دلوقتي بنتوه من بعض ولما لاقيت أن الشباب مش متهم ولا حاضر يقول كلمته كان لازم انزل أسد الفراغ ده وكان لازم نقول إننا طبعا موجودين وربنا يحبب الشعب في بعضه وفي بلده ويحبها ويتنازل شويه عشانها مصر تستاهل الحب والحماية والتضحية مصر لازم تبقى عفية قوية ومش لازم أبدا تقع وتركع لازم تبقى قايمة على حيلها وصالبة ضهرنا يا شباب افهموا بقى".