و في ديرك أنا راهب وحدي
أنا سبت الدنيا عشان بشتاق
و قالولي إن انتي القديسة
اللي بتشفي بس العشاق
درويش ..
درويش بيصلي أهو ولمحك
حافظ أجزائك وملامحك
مع إن جروحك فيه مطابتش
لكن بيصر ان يسامحك
مجروح .. بيقول مجروح
والصلاة في عنيكي
حج الروح
من غير سُنة ومن غير فرض
كل ما يشتاقلك بيروح
قلقان .. قول قلقان
عشمان بس في طرف الفستان
يلمسه ويسيب
يلمسه ف يطيب ..
و في ديرك صورة ببرواز
خشبها إيديا وروحي إزاز
عشاقك جولك في إيديهم شمع
وأنا لسه بغير من صوت الدمع
صلولك بعد ما صليت
حبوكي بعد ما أنا حبيت
في الآخر عشاقك مشيوا
و في ديرك بس أنا استنيت
درويش ..
درويش بيلف على كفوفك
و مغمض لكن بيشوفك
بيعيش لجل أما يعيشك
قربي عشان يعشق أكتر
دي ضفيرتك سبحة درويشك
و في ديرك ..
و في ديرك سور عامله بإيدي
تعطشي
ف افتح مجري وريدي
أنا نخل في دير وانتي جريدي
غطيني الشمس خلاص بانت
درويش ..
درويش اتوضى ك العادة
واهو فارش شعرك سجادة
يارب ابعت ضحكتها وبس
ومعاها قلب ابيض سادة..