الواد القرد
على كوبري الكون بيضيع وقت
عمال يبعت نفسه فـ جوابات
ما بتوصل حد..!
وإزاي يحصل
ومدينة العالم شوارعها بتخش فـ بعض!!
عواميد النور كل الأبواب
لون الأسفلت
مع إن الأرض بتتقسم
لخطوط بالطول ودواير عرض...
الواد القرد
عمال بيمصمص شفة يومه طول الوقت
متعلق عمره قصاد منه
بندول مابيزهق كُتر العد
بيطوح ثانية ورا ثانية
وفراغ أوضته ضيق ع الأد
يتكوم فوقه جير عمره فيسب البخت
مش عايز مرة ليه يصدق
الحظ أساسًا صدفة جد؟
الواد...