شفت «تحرش» ؟.. لأ يبقى ما تعرفوش

11:13 م | الاثنين 14 ديسمبر 2015

بهمة وحماس، نزلت من منزلها لتجوب شوارع مدينة العبور سيراً على قدميها، قابضة بين يديها على علم برتقالى اللون مدون عليه عبارة «معاً ضد التحرش»، معبرة عن غضبها من حادث تحرش تعرضت له أثناء عودتها من الجامعة، مقررة ألا يمر الموقف دون أن تدافع عن حقها فى أن تنعم بالسير فى أمان دون اعتداء من أى شخص. رانيا محمد علوان، فتاة تعرضت للتحرش فى سيارة ميكروباص، لم تطأطئ رأسها خجلاً بل واجهت الشاب المتحرش بها، عنفته أمام الجميع بصوت مرتفع قاصدة فضح أمره، فاتهمها المارة بـ«الجرأة»، ولذا قررت ألا تترك حقها: «كل يوم بركب مواصلات كتير، وكل مرة فى طريقى للجامعة أشوف حالات تحرش قدام عينى والبنات تسكت وتخاف تعمل حاجة، ده غير اللى بسمعه من أصحابى وخوفهم من إنهم يواجهوا، وعمرى ما كنت أتخيل إن فى يوم أتعرض للتحرش زيهم على إيد سواق ميكروباص»، تلخص شعورها فى كلمات: «ماكنش فيه حد فى الميكروباص غيرى، ولما لقيته بيمشى فى سكة غير سكته ووقف العربية فى مكان ضلمة وبيحاول يتحرش بيَّا جسدياً، عليت صوتى وفضحته، لحد ما ربنا أنقذنى ولقيت الناس اتلمت وما سبتوش إلا لما ضربته فى الشارع، ورجعت اليوم ده عندى تحدى إنى أنزل كل يوم أجرى فى الشارع من غير خوف، وإن الحادثة اللى اتعرضت ليها متأثرش فيَّا ولا تسبب لى عقدة».

«ليه أسكت لما ممكن آخد حقى بإيدى؟»، سؤال طرحته الشابة العشرينية، وأجابت عنه برفضها تحرير محضر فى قسم الشرطة، لاقتناعها بأن الشرطة لا تردع المتحرشين: «مهما كانت عقوبة المتحرش بالسجن أو الغرامة مفيش حاجة بتحصل، أى شهادة مرضى للمتحرش تخرجه بكفالة 50 جنيه، ويخرج يتحرش من تانى»، قررت «رانيا» أن تحارب التحرش بالنزول إلى الشارع وجمع شباب وفتيات مدينتها العبور، والنزول يوماً فى الأسبوع لممارسة التمارين الرياضية فى الشارع: «واجهت الموقف اللى حصلى بإيدى، ضربت سواق الميكروباص ونزلت أجرى فى الشارع من غير خوف، عشان أشجع البنات وأقولهم إننا هنحارب التحرش بإيدينا».