ناس سيباك وهاتسيبك
وناس حباك على عيبك
وناس ترحل وهاتجيلك
وناس ترحل وما بتجيش
وناس في البعد مش بتنام
وناس تنسى مع الأيام
وناس تفضل يقولوا تمام
وناس على طول يقولوا مفيش
وناس ضحكتها مبتكمّلش
وناس ضحكتها بتكّمل
وناس في الحزن تتكسر
وناس تانيه بتتحمل
وناس تطلب ومش بتنول
وناس بتنول بلا طلبات
وناس عيشينها عـ الكتالوج
وناس عيشاها بـ استعباط
وناس تسكت عنيها تقول
وناس بتقول دموعها تزيد
وناس في الفضفضة ترتاح
وناس الفضفضفة ليهم
كأنه جرح تاني جديد
وناس ماشية اهي عـ الأرض
وناس سرحانة أهو وطايرين
وناس في السجن لاقية براح
وناس في براح لكن مساجين