باسم يوسف يقدم أوبريت "قطري حبيبي الأخ الأصغر"

كتب : فاطمة النشابي الجمعة 05-04-2013 22:58
باسم يوسف باسم يوسف

على غرار أوبريت "وطني الأكبر"، قدم الإعلامي باسم يوسف، خلال برنامجه البرنامج على قناة سي بي سي، أوبريت ساخر تعرض لتدخل دولة قطر في الشأن المصري، وجاءت كلمات الأوبريت، على وزن وقافية الأوبريت الأصلي مع تغيير محتواه، على النحو التالي:

قطري حبيبي الأخ الأصغر

يوم ورا يوم أمواله بتكتر

استثماراته مالية حياته

قطري بيصرف وبيتفشخر

قطري قطري

قطري يامالية فلوسك أرضي

قطري إديني كمان وأنا مرضي

أدي آخرتها بنشحت بره

بعد ما فلسنا في الثورة

أنت كبير وأكبر كتير

من الخليج كله

من التاريخ كله.. ياقطري

وطني ياجنة الناس حاسدينيها

بكرة هتتباع على فتارينها

ياللي قنالك كانت ملكك

وأنت بصك إيجار هتهينها

بيع للقطري وخد من خيره

بيع له الهرم وابني اتنين غيره

إحنا وطن طول عمره كويس

يلا ارمي بياضك وتعالي كيس

كله فداك ياحبيبي القطري

حلو ياقطري يامالي جيوبنا

حلوة ياوكسة كاسية رايتنا

حلوة يانهضة ياطاحنة شعوبنا

حلو ياأحلي خازوق في حياتنا

آدي اللى خدناه من الإخوان

بيع مصر فرط وجملة كمان

في روض الفرج والدقي وشبرا

فرح الشعب وشكر الشكرة

شكرة كل الشعب المصري.

التعليقاتسياسة التعليقات

  • 1

    بواسطة : اسلام

    الأحد 07-04-2013 01:25

    بجد الحلقه النهارده جامده اخر حاجه واخر جزء فيها هو الاجمل لانه بيتكلم بجد جدا وبصراحه انا خفت على مصر جدا بعد الكلام ده ربنا يستر من المافيا

  • 2

    بواسطة : عمرو بدر

    الأحد 07-04-2013 01:25

    جامدة اوى اوى اوى فعلا انت مشكلة يا باسم وكشف كل واحد فيهم

  • 3

    بواسطة : mkmk

    الأحد 07-04-2013 01:25

    ده حال البلد دلوقتى

  • 4

    بواسطة : زينهم عبد الفتاح

    الأحد 07-04-2013 01:25

    ألا تبكون

  • 5

    بواسطة : علاء سيد

    الأحد 07-04-2013 01:25

    اوبريت جميل ومعبر و يعكس ما وصل الية حالنا فى مصر

  • 6

    بواسطة : يس

    الأحد 07-04-2013 01:25

    ضربة معلم توجع القلب للي يحس

  • 7

    بواسطة : عصام

    الأحد 07-04-2013 01:25

    حقيقتا رائع جدا ومعبر جدا جدا جدا جدا جدا جدا

  • 8

    بواسطة : تيتو

    الأحد 07-04-2013 01:25

    رائع

اضف تعليق