«الوطن» تواصل نشر تسجيلات «مبارك»: «أوباما» اتصل بى أثناء الثورة وطلب تسليم البلد لبعض الشخصيات منهم «البرادعى»

عبدالناصر والسادات وأنا نعرف «الإخوان» جيداً.. طول عمرهم بيشتغلوا «فى السر».. والدول لا تدار إلا فى العلن
كتب : مجدى الجلاد ومحمد الشيخ الأربعاء 19-06-2013 23:19

أثار الانفراد الجديد لـ«الوطن» بنشر أول تسجيلات صوتية للرئيس السابق محمد حسنى مبارك، أمس، ردود فعل واسعة فى الدوائر السياسية والإعلامية الدولية.. حيث تناقلت وكالات الأنباء والمحطات التليفزيونية والمواقع الإلكترونية تصريحات «مبارك» باهتمام بالغ، وأشادت بانفراد «الوطن» ومصداقيتها فى نقل التصريحات، وبثها صوتياً على الموقع الإلكترونى.

وتواصل «الوطن» اليوم نشر كلام «مبارك» وشهادته حول وقائع ثورة يناير 2011، وأداء الإخوان فى الحكم وإدارة البلاد ومؤسسات الدولة، وآرائه عن بعض الشخصيات العامة والإعلاميين.. وإلى النص:

أسامة الباز عرض علىَّ أن يكتب هيكل «خطبى» فقلت له إنه يكتب رأيه

سأل «المصدر» مبارك عن موقف الإدارة الأمريكية مما حدث فى ميدان التحرير وميادين مصر بدءاً من 25 يناير 2011 حتى تنحى الرئيس السابق؟.. فأجاب: فى يوم 28 أو 29 يناير 2011 مش فاكر اليوم بالضبط، كانت المظاهرات مستمرة فى ميدان التحرير.. اتصل بى الرئيس الأمريكى باراك أوباما.. اتصل مرتين أو تلاتة.. وبصراحة ما رضتش أرد عليه.. وفى الآخر رديت.. فسألنى: إيه الموقف عندك الآن؟!.. وقبل أن أرد.. بادرنى أوباما: أنا رأيى تسلم البلد لمجموعة من السياسيين، منهم محمد البرادعى.. فقلت له: الكلام ده انت اللى بتقوله؟!.. فقال: نعم.. فقلت له: اسمع يا أوباما.. أنا أفهم الشعب المصرى أكتر منك.. وانت تفهم الشعب الأمريكى أكتر منى.. وأنا لا آخد أوامر منك ولا من أى حد تانى فيما يخص الشعب المصرى.. أنا آخد أوامرى من الشعب المصرى فقط.. لو الناس مش عايزانى.. أمشى فوراً.. وأنا دورى إنى أنبه الشعب لخطورة الوضع اللى هوّه فيه.. وانتهى الاتصال بينا.

الإخوان والدولة

وسأل «المصدر» الرئيس السابق عن رأيه فى أداء «الإخوان» فى الحكم؟.. فأجاب: شوف.. كل اللى حكموا مصر يعرفوا «الإخوان» كويس.. يعنى جمال عبدالناصر وأنور السادات وأنا نعرف عنهم كل حاجة.. ده بحكم موقعنا والتقارير والمعلومات التى كانت بتوصل لينا.. علشان كده كان عبدالناصر بيتعامل معاهم بطريقة تحافظ على البلد، لأنهم كانوا عايزين ينقلبوا عليه أكتر من مرة.. والسادات غلط لما فتح لهم الأبواب، هوه بصراحة كان راجل عظيم، وكان عايز ينفتح على الكل.. بس همه طول عمرهم عايزين السلطة والحكم.. والمشكلة إنهم مش متعودين على العمل فى النور.. طول عمرهم بيشتغلوا فى السر.. والدولة مش ممكن تُدار «فى السر».. دى دولة.. ودولة كبيرة.. وقديمة.. وعندها شعب كبير.. ومتنوع.. وفيه تعددية لازم نحافظ عليها.. هُمّا مش فاهمين الكلام ده.. عندهم مشكلة مع العصر الحديث.. لكن إحنا بحكم مواقعنا كنا عارفين أسرار لا يعرفها الشعب.. علشان كده أنا ألتمس للناس العذر لمّا اختارتهم.. لأنهم ما جربوش الناس دول قبل كده.

«الإخوان» يتعاملون مع الاقتصاد بطريقة «التجار».. وكمان عندهم «شك» فى كل الناس

يصمت «مبارك» قليلاً ويضيف: بس أنا بصراحة متفاجئ من أدائهم.. كنت فاكرهم أفضل من كده بكتير.. يعنى هُمّا مش فاهمين مثلاً فى الاقتصاد.. بيشتغلوا فيه بطريقة «التاجر».. وده غلط.. وكمان عندهم شك على طول فى كل الناس.. طيب إزاى هنشتغل ونرفع البلد ونحل الأزمات وإحنا عندنا شك فى الشعب والمعارضة؟!

أنا وهيكل

■ سيادتك.. هل تتابع التليفزيون والبرامج والصحف؟!

- طبعاً.. بس الجرايد بتيجى لى ساعات.. وساعات لأ.. وبحاول أتابع التليفزيون والأخبار بقدر الإمكان.. وكمان بتوصلنى الأخبار لما تيجى لى زيارات.. بصراحة الأوضاع صعبة، ونفسى الأمور تستقر فى البلد.

■ طيب.. هل تابعت الأستاذ محمد حسنين هيكل وما يقوله عن عهدك.. وإيه سر موقفه منك؟

- مش بتابع قوى.. بس هيكل له حكاية معايا.. فأول ما توليت الحكم.. جاءنى أسامة الباز وقال لى: إيه رأيك هيكل يكتب خطبك السياسية؟!.. ففكرت قليلاً وقلت له: هيكل كان بيشتغل مع عبدالناصر.. وبعد كده استبعده السادات.. والمشكلة إنه هيحط لى فى الخطبة رأيه.. ولما أغير حاجة أو ما تعجبنيش حاجة.. هيزعل.. اسمع يا أسامة الراجل ده كان بيكتب لعبدالناصر معقولة هيكتب لى الخطب.. لأ ما يصحش.. وهربت منه كده.

ويضيف «مبارك»: هيكل بيحط أفكاره هوه.. وعايزنى أقرا وبس.. وأنا مش لعبة فى إيد حد.. أنا أفكر وأقول للى بيكتب لى الخطبة اكتب كذا وكذا وكذا.. أنا أقول لك أنا عايز أتكلم فى كيت وكيت.. حتى مرة كان موسى صبرى بيكتب لى الخطبة، وده كان أول ما اتعينت.. وقال لى موسى: لازم ندّى أمل للناس.. فقلت له: لا ما ينفعش نضحك على الناس.. الناس لازم تعرف الحقيقة.. أنا مش هضحك على الناس.. على فكرة أنا أول ما اتعينت كانت البلد تعبانة قوى.. بس مش بالفوضى الحالية.

ويستطرد «مبارك»: دول حتى بينسبوا دلوقتى كل حاجة لنفسهم. ده حتى مشروع قناة السويس إحنا اللى عاملينه.. إحنا عملنا مصانع هناك وأعطينا الصين مساحات وشيدنا مبانى.. ومن كام يوم شاهدت مرسى والحكومة والإخوان عاملين قصة على المشروع ده وكأنه إنجازاتهم.

مشروع «قناة السويس» بتاعنا وبدأناه بالفعل.. وفجأة شاهدت «مرسى» والحكومة بتحتفل به

وتحدث «مبارك» فى أجزاء مختلفة عن شخصيات محددة على الساحة الآن.. فحين سُئل عما يقوله د.مصطفى الفقى فى حلقات برنامجه عن فترة حكمه؟.. أجاب: مصطفى الفقى ساب الرئاسة من زمان.. بس الواحد بيعرف الرجال فى الصعاب.. مصطفى الفقى بيكتب فى الجرايد.. ويطلع فى التليفزيونات علشان ياخد «فلوس»..

ثم يستطرد: أنا كمان بشوف إبراهيم عيسى.. الراجل ده محترم.. بيقول الحق.. ورغم إنه كان بيعارضنى إلا أنه بيعجبنى لأنه ما بيخافش.. وحين سُئل عن «مرتضى منصور»؟ علق ضاحكاً: ده مدفع.. مدفع..!

يمكنك مشاهدة الملف التفاعلي على الرابط التالي:

http://www.elwatannews.com/hotfile/details/285

يمكنك متابعة الحلقة الأولي علي الرابط التالي:

"الوطن" تنشر تسجيلات صوتية لـ"مبارك": كان بمقدورى الاستمرار فى الحكم لكننى تنحيت حفاظاً على أرواح الناس

أخبار متعلقة:

أسامة كمال يتطرق لانفراد "الوطن" بتسجيلات مبارك في "القاهرة 360"

أمين عام حركة مصر القوية: لا يحق لمبارك تقييم الأوضاع الحالية في مصر فهو من سببها

انفراد «الوطن» بتسجيلات يشعل حرباً«كلٌ يغنى على ليلاه»

خبراء عسكريون: «مبارك» لم يأتِ بجديد فى موضوع العلاقات العسكرية الأمريكا

سياسيون: إدارة «الإخوان» السيئة جعلت مبارك «شمتان» فى المصريين

خبير نفسى: «مبارك» متفائل ومتيقن من اقتراب البراءة

انفراد «الوطن» يفجر «حرب الاتهامات» بين الثوار والإخوان

النجار: مبارك "شمتان" في الشعب المصري.. رغم أننا نجني الآن حصاد فساده

ناجح إبراهيم: حديث "مبارك" لا يعفيه من المسؤولية.. وتسليم السلطة لـ"العسكري" تُحسب له

قيادي ناصري: نظام "مبارك" كان الأكثر فشلا في التعامل مع "الإخوان"

أستاذ "اجتماع سياسي": صراع "الإخوان" و"المعارضة" جعل الشعب يتمنى عودة "مبارك"

عبد الله كمال يؤكد حديث "مبارك" لـ"الوطن" في حوار قديم مع طوني خليفة

الأقصري: "الإخوان" كانوا ينظرون من "خرم باب".. ومرة واحدة اتفتح والنور عماهم

شكر: من الطبيعي أن يدافع مبارك عن عهده.. وشخصيته العسكرية حالت دون "انهياره"

مارجريت عازر: عدم انصياع مبارك لأوباما دليل على اقتناعه بأن الشعب مصدر السلطات

رغم اعتذاري عن قضيته.. مرتضى منصور: "مبارك" مدحني.. وتعرض لمؤامرة أثناء الثورة

رئيس الاتحاد الفلسطينى لكرة القدم: تصريحات مبارك "خبطة" صحفية لاتقدرعليها سوى "الوطن "

"الفقي" متعاطف مع "مبارك": "أدعو الله أن يفك أسره"

جهاد عودة: تقدير مبارك لأداء الإخوان "سليم جدا" بدليل اضطراب الأوضاع في مصر

خبير سياسي: مبارك رفض كتابة هيكل لخطاباته لأنه كان يرفض أن يلمع أحد بجانبه

أماني الخياط: انفراد "الوطن" يوضح أن "الإخوان" لديهم مستوى للعلن وآخر للمسلمين بشرطة

جمال أسعد: "مبارك" يحاول إثبات أنه أكثر وطنية من "الإخوان"

محامي "الإخوان" رافضًا التعليق: الرد على تصريحات مبارك بشأن الجماعة من شأن السياسيين

أحمد دراج: "مبارك" يحاول تشويه "البرادعي" لأنه كان سببا في خلعه

خبير اقتصادي: "الإخوان" أساءوا عمل السياسات الاقتصادية وتطبيقها

أستاذة علم نفس تعليقا على انفراد "الوطن": صوت مبارك وإجاباته المختصرة تعكس تعرضه لاكتئاب شديد

لليوم الثاني.. "اليوم السابع" تواصل اعتذارها لـ"الوطن" بنشر الحلقة الثانية من انفرادنا الذي سبق وكذَّبته

التعليقاتسياسة التعليقات

  • 0

    بواسطة : سامى عبد العزيز

    الجمعة 21-06-2013 18:58

    مبارك حر ومرسى سجين

  • 0

    بواسطة : موطنة بتحب مصر

    الجمعة 21-06-2013 18:58

    كلامك صح يا ريس وياريت البلد تعمل به الله يرحم ايامك يا ريس

  • 0

    بواسطة : حاتم أحمد حسين

    الخميس 20-06-2013 16:50

    لي حق أهتف و أنادي البطل دا من بلادي عشت عصره و شفت مجده و انتصاره علي الأعادي

  • 0

    بواسطة : ادهم الملط

    الخميس 20-06-2013 16:50

    اقول لك ياسعادة الرئيس انت مثال للشجاعه ومثال الاخلاص لمصر لو واحد غيرك كان باع مصر للأمريكان ونفذ كلام اوباما لكن انت اانسان محترم وبتخاف على مصر وشعب مصر وربنا معاك ويشفيك ويفك كربك

  • 0

    بواسطة : نصر

    الخميس 20-06-2013 16:50

    يعنى أمريكا بتعرف مصلحة مصر أكثر منك يامبارك , وليه ماسمعتش النصيحة وجبت البرادعى على الاقل كنت ريحت الشعب من ظلم الاخوان . طول عمرك عنيد يامبارك .

  • 0

    بواسطة : moumen

    الخميس 20-06-2013 16:49

    لن يعود هذا الزمن وما قبلة لانة ادى الى الفقر والتخلف اللى احنا فيه كان زمنا احسن من مالزيا او تركيا

  • 0

    بواسطة : ADEL ATEF

    الخميس 20-06-2013 16:49

    تسلم ايدك يامستر مجدي انت والمصدر اللي نقل ربنا يبارك فيك ويعينك - انا طالب منك طلب يامستر مجدي انا بحبك جدا بحب اتفرج عليك وعلى طريقتك بحترمك جدااااااااااا جدا لكن البرنامج اللي بتقدمه الناس مش بتهتم بيه قد السياسة ماتقدم برنامج يخص السياسة زي لميس وزي عماد الدين أديب أرجوووووك بالموضوع دة لسبب صدقني البرنامج بتاع لازم نفهم دة محدش بيشوفو كتير برغم ان بيعرض مشاكل كارثية وانا فاهم كدة لكن احنا دلوقت تهمنا سياسة صح ولا لأ؟؟؟

  • 0

    بواسطة : ابراهيم المصري

    الخميس 20-06-2013 16:49

    الرئيس متابع كويس جميع الاخبار و بيعرف الكبيرة و الصغيرة ... وعلي فكرة معظم هذا الكلام غير صحيح ، علي فرضية ان الحوار بأكملة صحيح ....و اعتقد ان ما يقوله الان مبارك يعتبر في حكم روشتة علاج من طبيب ماهر و شاطر.... و مبروك للبرادعي الذي يجب عليه النوجه فورا لاستلام البلاد ,, الا اذا كان مبارك يقصد ان البرادعي عميل امريكاني ...علي العموم في نهاية القصة ربما يرشح الرئيس ، رئيسا خلفا له ، و اتمني ذلك لاننا يبدوا علينا نش فاهمين مصلحتنا كويس ....امانة علي يا ريس مبارك تقول لنا نتختار مين

  • 0

    بواسطة : zaky

    الخميس 20-06-2013 16:48

    ياريس انت وحشتنا وايام الثورة كنت بنتمنى ان الناس تفهم الروءية وكنا مع استمرار المدة لغاية سبتمبر لكن اتنحيت كنت ياريس مكنتش تسبنا لاننا لانفهم الوضع بظبط كونا محتجين منك تطلع علينا بخطاب منك وتفهمنا بس احب اقلك احنا بنحبك وربنا يشفيك وينصرك .

  • 0

    بواسطة : كريم

    الخميس 20-06-2013 16:48

    ربنا يشفيك يا ريس

( صفحة 1 من 2 )الأول<12الأخير
اضف تعليق