«الوطن» تنفرد بآخر حوار بين وزير الدفاع والرئيس المعزول.. «السيسى»: حاول تمشى بكرامتك.. «مرسى»: أمريكا مش هتسيبكم

«السيسى»: «معانا أدلة تدينك أنت وقيادات الحكومة.. وهتتحاكموا قدام الشعب كله»
كتب : أحمد عبدالعظيم الجمعة 05-07-2013 22:45
عبد الفتاح السيسي ومرسي عبد الفتاح السيسي ومرسي

الصدفة وحدها هى صاحبة الفضل فى توصل «الوطن» واطلاعها على حقيقة ما دار فى آخر حوار بين القائد العام وزير الدفاع الفريق أول عبدالفتاح السيسى و«المعزول» محمد مرسى، وذلك من خلال شاشة عرض بإحدى غرف جهة سيادية.

توجهت إلى تلك الجهة يوم الثلاثاء 2 يوليو الحالى، وكانت جميع المكاتب تعمل كخلية نحل لا يتوقف نشاطها لحظة، حاولت التواصل مع عدد من المسئولين، للتعرف على ما سيحدث خلال الساعات القادمة، لكن أحداً منهم لم يكن بوسعه التصريح بأى معلومات، ومع إصرارى على الحصول على ما يدور داخل الغرف المغلقة، رد علىّ أحد الضباط الموجودين بالمكتب الذى أجلس به قائلاً: «متقلقش.. مصر كلها هتفرح بكرة، ولو عاوز تضمن تعالى هسمّعك حاجة، لكن أرجو عدم الإفصاح عنها لخطورة الأمر فى هذا التوقيت».

اصطحبنى الضابط لغرفة مجاورة، بها العديد من أجهزة الصوت وشاشات العرض، وفوجئت أنه يعرض على إحدى الشاشات لقاء بين «السيسى» و«مرسى»، وهو لقاء جرى بينهما قبل أن يلقى مرسى خطابه الأخير بساعات قليلة.

محمد مرسي

وبعد صدور بيان الجيش الذى ألقاه «السيسى» الأربعاء الماضى، استأذنت فى نشر أهم ما جاء بحوار «السيسى» و«مرسى»، وبصعوبة بالغة حصلت «الوطن» على الموافقة، وكان كالتالى:

مرسى: الجيش موقفه إيه من اللى بيحصل، هيفضل كدا يتفرج، مش المفروض يحمى الشرعية؟

السيسى: شرعية إيه؟ الجيش كله مع إرادة الشعب، وأغلبية الشعب حسب تقارير موثقة مش عايزينك.

مرسى: أنا أنصارى كتير ومش هيسكتوا.

السيسى: الجيش مش هيسمح لأى حد يخرّب البلد مهما حدث.

مرسى: طيب لو أنا مش عايز أمشى.

«مرسى»: «متفتكرش إن الإخوان هيسكتوا.. هيولعوا الدنيا.. وأنا اللى عينتك وممكن أشيلك»

السيسى: الموضوع منتهى ومعدش بمزاجك، وبعدين حاول تمشى بكرامتك، وتطالب من تقول إنهم أنصارك بالرجوع لمنازلهم، حقناً للدماء بدلاً من أن تهدد الشعب بهم.

مرسى: بس كدا يبقى انقلاب عسكرى وأمريكا مش هتسيبكم.

السيسى: إحنا يهمنا الشعب مش أمريكا، وطالما أنت بتتكلم كدا أنا هكلمك على المكشوف.. إحنا معانا أدلة تدينك وتدين العديد من قيادات الحكومة بالعمل على الإضرار بالأمن القومى المصرى والقضاء هيقول كلمته فيها، وهتتحاكموا قدام الشعب كله.

مرسى: طيب ممكن تسمحولى أعمل شوية اتصالات وبعد كدا أقرر هعمل إيه.

السيسى: مش مسموح لك، بس ممكن نخليك تطمئن على أهلك فقط.

مرسى: هو أنا محبوس ولا إيه؟

السيسى: أنت تحت الإقامة الجبرية من دلوقتى.

مرسى: متفتكرش إن الإخوان هيسكتوا لو أنا سِبت الحكم.. هيولّعوا الدنيا.

السيسى: خليهم بس يعملوا حاجة وهتشوف رد فعل الجيش.. اللى عايز يعيش فيهم باحترام أهلاً وسهلاً.. غير كدا مش هنسيبهم.. وإحنا مش هنُقصى حد، والإخوان من الشعب المصرى ومتحاولش تخليهم وقود فى حربكم القذرة.. لو بتحبهم بجد تنحى عن الحكم وخليهم يروّحوا بيوتهم.

مرسى: عموما أنا مش همشى والناس برة مصر كلها معايا وأنصارى مش هيمشوا.

السيسى: عموماً أنا نصحتك.

مرسى: طيب خد بالك أنا اللى عينتك وزير وممكن أشيلك.

السيسى: أنا مسكت وزير دفاع برغبة الجيش كله ومش بمزاجك وأنت عارف كدا كويس.. وبعدين أنت متقدرش تشيلنى أنت خلاص لم يعد لك أى شرعية.

وزير الدفاع لـ«مرسى»: «أنت خلاص لم يعد لك أى شرعية.. وغير مسموح لك إلا بالاطمئنان على أهلك.. أنت من دلوقتى محبوس»

مرسى: طيب لو وافقت أن أتنحى.. ممكن تسيبونى أسافر برة وتوعدنى أنكم مش هتسجوننى.

السيسى: مقدرش أوعدك بأى حاجة، العدالة هى اللى هتقول كلمتها.

مرسى: طيب طالما كدا بقى أنا هعملها حرب ونشوف مين اللى هينتصر فى الآخر.

السيسى: الشعب طبعاً اللى هينتصر.

وانتهى الحوار عند هذه الجملة بقول السيسى: «أنت من دلوقتى محبوس».

وبعد هذا الحوار بساعات قليلة طلب السيسى من قوات الجيش والحرس الجمهورى أن يجرى نقل «مرسى» من دار الحرس الجمهورى إلى إحدى إدارات الجيش شديدة التأمين، وطلب عدم التعرض له بأى أذى، لحين تقديمه لمحاكمة عادلة لاتهامه بارتكاب عدد من الجرائم.

التعليقاتسياسة التعليقات

  • 1

    بواسطة : مواطن

    الإثنين 26-05-2014 19:13

    هو انتم فاكرين ان الشعب حمير ولا سيسى احناعارفين ان ده انقلاب على الرئيس الشرعى وكات ممكن يخلص من السجن لو عمل زى المعزول قصدى المحروق مبارك لاكنه اشرف رئيس ومهما تزيفوا الحقيقه الشعب عارف الحقيقه ان انتم شويه خونه جبناء

  • 2

    بواسطة : ابراهيم جميل محمد سالم

    الثلاثاء 29-04-2014 19:27

    سبحان الله بيقولو ان احنا نسينا نص الايه الكريمه ده من نص حوار رقم 3 احب اعرفه نهم هما الى نسيو ان ربنا لايغير مابقوم حتى يغيرو ما بانفسهم وهما جواهم وحش اوى والمشير السيسى رجل محترم وحبيب الشعب وربنا معاه ويقويه علينا واحنا معاه بقلوبنا واروحنا ربنا معاك يا ريس

  • 3

    بواسطة : sheded

    الجمعة 14-03-2014 12:51

    أقتنع وأصدق الحوار لان المشير السيسى رجل دوله وجميع أوراق لعبة الاخوان مكشوفه لديه بالاضافة الى غباء مرسى وأنه لم يتعرف على شخصية السيسى.......

  • 4

    بواسطة : sheded

    الجمعة 14-03-2014 12:51

    من سياق حديث المشير السيسى وغباء مرسى وخيانته أصدق كل ماجاء فى الحوار ... وهذا الحوار يؤكد أن سيادة المشير رجل دوله وخصوصا أن جميع اوراق اللعبه كانت مكشوفه لديه .....حفظ الله مصر وجيشها ومشيرها

  • 5

    بواسطة : عزة الله عبد العزيز

    الأربعاء 12-03-2014 15:37

    واضح إنكم مستحمرين الشعب علي الآخر و فاكرين إنكم في منتهي الذكاء ربنا ينتقم منكم و لا تنسوا قوله تعالي"و يمكرون و يمكر الله و الله خير الماكرين"

  • 6

    بواسطة : حسن احمد حسن

    الثلاثاء 25-02-2014 14:41

    ماهو خروف مبيعرفش يتكلم انجليزى وبيقولوا دكتور جامعه وعايش فى امريكا مستنى منه ايه

  • 7

    بواسطة : mohamedelbardan

    الأحد 16-02-2014 14:25

    اللهم احفظ مصر و ارضها وشعبها ومياؤها

  • 8

    بواسطة : good

    الخميس 13-02-2014 13:02

    لو كلامك صح امال لية امريكا مباركة على الانقلاب من اول لحظة وبتواصل المساعدات وهو بالضبط عميل مع حماس ولا اسرئيل ولا امريكا فمهمونا ياعالم يا اوباش

  • 9

    بواسطة : محمدحمام

    الجمعة 07-02-2014 16:56

    سبحان الله يعزمايشاء ويزل ما يشاء منسجن الى حكم الى سجن

  • 10

    بواسطة : علاء

    الأربعاء 05-02-2014 19:52

    ربنا ينصر مصر

( صفحة 1 من 30 )الأول<12345....الأخير
اضف تعليق