خالد غرابة.. "مهندس التعذيب" الذي حفر اسمه على الرخام مع "الرئيس"

كتب : على السطوحي الجمعة 06-07-2012 13:17
اللواء خالد غرابة مدير أمن الإسكندرية اللواء خالد غرابة مدير أمن الإسكندرية

"بسم الله الرحمن الرحيم .. في عهد السيد الدكتور محمد مرسي رئيس الجمهورية، تفضل السيد اللواء محمد إبراهيم وزير الداخلية، وبحضور اللواء خالد غرابة مدير أمن الإسكندرية .. بافتتاح غرفة عمليات المرور والتحكم بالمراقبة التليفزيونية بسموحة بالإسكندرية". كلمات حفرت على مبنى مديرية أمن الإسكندرية الخميس، كأول لوحة تذكارية يدوّن عليها اسم الرئيس محمد مرسي، مقترنا باسم مدير أمن الإسكندرية خالد غرابة، الذى طالما بحت أصوات الثوار فى الإسكندرية لإقالته، لأنه، على حد وصفهم، "مهندس التعذيب في النظام السابق".

ماهينور المصرى، عضو بـ"الاشتراكيين الثوريين بالإسكندرية"، لم تستغرب هذا المشهد .. "مرسي كرّم من قبل المشير وأعضاء المجلس العسكرى المتهمين بإبادة للثوار، في أحداث ماسبيرو وغيرها، نظام مبارك لم يسقط بعد".

وتابعت "لو الرئيس كان يمثل الثورة، كان يجب عليه التفكير أو الإعلان عن تطهير جهاز الشرطة، وليس رفع مرتباتهم"، وتضيف المصرى "كان مدير مباحث المحلة، في مظاهرات المحلة 2008، وكان يتفاخر بقمع المظاهرات، التى راح ضحيتها شهيدان، كما كان حكمدار الإسكندرية في أثناء مقتل خالد سعيد، ومن بعده تفجير القديسين ومقتل سيد بلال".

وتتعجب المصري أن يكون غرابة على رأس جهاز الشرطة في المحافظة، واصفة إياه، بأنه "ممن تلوثت أيديهم بالدماء وقمع الشعب"، وتتحدث المصري عنه قائلة "كان بينزل بنفسه مظاهرات، أذكر فى مظاهرة لا للتمديد .. لا للتوريث، 21 سبتمبر 2010، كان بيتعامل بشكل أعنف، لأنه جزء من النظام، كما كان حاضرا وقت استشهاد بهاء السنوسي أمام مديرية الأمن في نوفمبر الماضي".

محمد سمير، عضو اللجنة الوطنية للتغير بالإسكندرية، وصف غرابة بأنه "عمود من أعمدة النظام السابق، ومهندس عملية التعذيب"، موضحا أن اللافتة ليست غريبة "فمازال النائب العام في منصبه، وأعضاء المجلس العسكري في أماكنهم، يعني هي جات على غرابة"، ويعلق على هذا المشهد "مفيش حاجة اتغيرت في البلد، من المفترض أن تشهد وزارة الداخلية في الحكومة الجديدة، تنقلات في الوزارة"، مضيفا "لو محصلش ده يبقى مرسي لا يفرق كثيرا عن شفيق".

محمد كريم، ناشط سياسى من الإسكندرية، عندما سمع خالد غرابة، قال "الراجل ده بيني وبينه ثأر قديم، كان حكمدار الإسكندرية قبل الثورة، وهو الراجل الأول في قمع المظاهرات، وفي مظاهرة محرم بك فى سبتمبر 2010، كان موجودا بنفسه، ومن الطبيعي أن توكل عملية الضرب للقوات، لكن غرابة كان يقف أمام سيارة الترحيلات، كل واحد يدخل (يديله اللى ربنا يقدره عليه)".

يتابع "أنا كنت من الناس اللى اعتدى عليها غرابة بالضرب، وأخذ متعلقاتنا، صعب نفصل تجربة مرسى عن تجربة الإخوان، وعود وفى النهاية ليس لهم عهد، لكننا بانتظار مرور الـ100 يوم"، ووصف عبد الكريم ماحدث بأنه "الرسالة معناها: جميع أطراف الثورة المضادة اتجمعوا مع بعض".

التعليقاتسياسة التعليقات

  • 1

    بواسطة : هشام

    الجمعة 06-07-2012 16:45

    بالنسبة للاستاذ صاحب الرسالة رقم 5 احنا فى مصر مفىش مسىحى بيدبهدل لاننا بنع ىش فى وطن واحدومعندناش فرق بين مسلم و مسيحى

  • 2

    بواسطة : mado

    الجمعة 06-07-2012 16:35

    سلملى على الثوار والثورجيه كل واحد مش عاجبة حاجة .. اقسم بالله داوكم حبيب العادلى اللى كان مربيكم يا بهايم

  • 3

    بواسطة : حسين

    الجمعة 06-07-2012 15:42

    اتقوا الله في الرئيس مرسي. من غير الطبيعي ان كل واحد له رأي في موضوع يخرج لنا بمعارضة للرئيس. الله يرحم ايام المخلوع حينما كان الفساد للركب و كان ينحني الجميع له ويتباري الكل للنفاق بكلمات سيحاسبوا عليها يوم القيامة ان شاء الله. كم سجن الاخوان المسلميين الوطنيين من اجل الحصول علي الحرية للشعب المصري. واسألوا شفيق هل كان من الممكن ان تنجح الثورة - بعد ارادة الله بدون الاخوان؟ اخواني لا تكونوا ابواقا للدولة العميقة . لا تكوانوا اداة لتنفيذ مخطط الفلول - الحزب الوطني المنحل وغيرهم - الذين يريدون سقوط وطننا الحبيب من اجل كروشهم.

  • 4

    بواسطة : mamet

    الجمعة 06-07-2012 15:02

    بسم الله الرحمن الرحيم بالنسبة للاخ الكريم MOLLY JACOB الحمد لله احنا في الاسكندرية نسيج واحد مفيش بنا مسلم او مسيحي دة اولا ثانيا / بالنسبة للمهندس محمد مرسي فاحنا حنشوف ماذا سوف يفعل في ال 95 يوم الباقين والاسكندرانية بالذات له بالمرصاد ثالثا / بالنسبة للواء خالد غرابة فا احنا بما اننا محترمين مبنخفش من حد وطالما احنا صح الي حيجي علينا حنقولو (لو كنتو نسيتو الي جاري هاتو جرايد 25و26 و27و28و29 يناير تتقري )

  • 5

    بواسطة : حسام

    الجمعة 06-07-2012 15:01

    ههههههههه اشربوا بقى ايها الاغبياء قلنا لكم لن الاخوان زى اليهود لا ععهد لهم ولاذمة ما صدقتوش وقلنا لكم لنهم منافقين وبتوع مصلحتهم برضه ما صدقتوش وقلنا لكم انهم بعد ما يستولو على الكرسى والبلد هيدخلوكم انتو والسلفيين المعتقلات برضه ما صدقتوش وبرضه لسة بتقولو نستنى ال100يوم بتاعة الاخوانجى مرسى

  • 6

    بواسطة : حووووده المصرى

    الجمعة 06-07-2012 15:01

    لا لتشوية صورة الإسلاميين وجسبى الله ونعم الوكيل

  • 7

    بواسطة : MOLLY JACOB

    الجمعة 06-07-2012 14:20

    واختارتوة لية يا حلويين لما انتم عارفين ان دى النهاية وانة حيأخذ الكرسى ويبيع البلد بيع وشراء وفى الاخر احنا اللى بنتبهدل (المسيحيين)واحنا الى بنتهدد واحنا اللى ما بينفعش لينا ولاية على اسيادنا المسلمين واحنا اللى بنتشتم وبنتبهدل فى الشوارع اللة يسامحكم انتم اللى كبرتوها فى دماغ الناس وشجعتوهم على المقاطعة واهى دى النهاية كل دة + المشاكل الاقتصادية الى علينا وعليكم واحنا برضة اللى علينا الضغوط الاكتر ربنا يسامحكم وعلى العموم لنا رب كريم يدافع عننا وعنكم لأننا احنا الاتنين غلابة قوى وتعبانين قوى

اضف تعليق