​

رحل وظلت أقواله بأذهان محبيه، حيث تركت أدواره بصمات مميزة، مع عشاقه من جماهيره داخل وخارج الوطن العربي، فكانت براعة أحمد زكي وأدائه التمثيلي يضيفان للنص المكتوب طابعا خاصا، حتى تركت أقواله علامات مع المشاهدين ليومنا هذا.

تنوعت تلك الجُمل ما بين الكوميديا، والدراما، والشر، والسخرية، حتى بات كثير من الناس يرددونها حتى وقتنا هذا، وترصد "الوطن" أبرز الجُمل الشهيرة لأحمد زكي في ذكرى ميلاده،

- "الحاجات بتيجي لما نبطل ندور عليها، المشكله بقى هل لما هتيجي هتكون لسة جوانا بنفس الشغف؟" من فيلم (النمر الأسود).

- "في ناس حطيناهم فوق راسنا، بس اظاهر كده إن المكان طلع عالي عليهم" من فيلم (النمر الأسود).

-  "الذكريات اختلطت مع الأحلام مع الأوهام مع الحقائق"، من فيلم (أرض الخوف).

- "كلنا فاسدون لا استثني أحد"، من فيلم (ضد الحكومة).

- "الإيحاء هوا تثبيت فكره معينه في الذهن"، من فيلم (البيضة والحجر).

- "أنا بحارب الغلاء بالاستغناء"، من فيلم (البيضة والحجر).

- "الحب هو إني أبقى مش شايف حد غيرك قدامي"، من فيلم (عيون لا تنام).

- "كلهم كدابين وكلهم عارفين إنهم كدابين، وكلهم عارفين إننا عارفين انهم كدابين"، من فيلم (الحب فوق هضبة الهرم).

- "الحب، وأنا هعمل فى ده إيه ياما، ده لا بيتمنع ولا بيتحاش ومليش حيلة معاه لا أنا ولا غيري"، من فيلم (اضحك الصورة تطلع حلوة).

- "كلمة أنا بحبك عقد، اللمسة عقد، النظرة عقد، الوعد بالجواز دا أكبر عقد"، من فيلم (اضحك الصورة تطلع حلوة).

- "الواحد يزعل على حاجة كانت فى إيده وراحت منه، إنما يبقى غلطان على حاجة كان بيتمناها وماجتش"، من فيلم (اضحك الصورة تطلع حلوة).

 - "لا إحنا مش صغيرين، إحنا كبار قوي بس مش عارفين نشوف نفسنا"، من فيلم (اضحك الصورة تطلع حلوة).

- "إن مقدرتش تضحك متدمعش"، من فيلم (هيستريا).

- "شوية جنان عشان نعرف نعيش"، من فيلم (هيستريا).

- "مسيرها تروق وتحلى"، من مسرحية (العيال كبرت).

- "البيت هيطربق فوق دماغ أهالينا يا أبو السلاطين"، من مسرحية (العيال كبرت).

- "دول لازم يتحاكموا بتهمة الغباء السياسي"، من فيلم (أيام السادات).