​

طبطب على نفسك

احضنها وداديها

من غيرك غيرك انت

فى الوحدة يدفيها

إن حزنت ضحكها

وقهقهقه ليها

الضحكة من قلبك

لو صادقة حترويها

النفس دى بنوتة

وأميرة فى حدوتة

بتحبك على عيبك

وبعيبك مبسوطة

وأنا نفسى شبوبة

عاطفية وحبوبة

مجنونة وغجرية

ساعة غالبة ومغلوبة

ومعاها أنا براحتى

وأحلامها ظغنطوطة

بتفضفض براحتها

بصراحة وصدوقة

عرفانى وفهمانى

عجنانى وخبزانى

مبسوطة قوى بعقلى

وبتفرح بجنانى

لا قالتلى انت ظالمنى

ولا قالت انت الجانى

                                                              حسن سعد حسن

يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي

bareed.elwatan@elwatannews.com