وش رجِل
«لو متضايقة من شكل رِجلك متاح وش رِجل صناعية»، بهذه العبارة أعلنت صفحة على «فيس بوك» لبيع مستلزمات التجميل عن طرح قدم من «السيليكون» كمستحضر تجميل، يستخدم لتغيير شكل القدم للإناث، ما أثار جدلاً على موقع التواصل الاجتماعى بعد تداوله.
يحكى أحمد عاشور، 25 عاماً، أنه استغل فترة الركود أثناء انتشار فيروس «كورونا» بخوض «كورس أون لاين» لتعلم التسويق، ثم اختار مجال مستحضرات التجميل لشق طريقه فى التجارة، فاستورد منتجات من الصين، وعرضها على صفحة متخصصة بـ«فيس بوك»: «عندى فى العيلة مستوردين والمخازن مليانة بصفة دورية، لأننا بنستورد من الصين كل 3 شهور».
فى بداية الأمر كان لدى «أحمد» كمية صغيرة من الأقدام الـ«السيليكون»، وعند عرضه لها انهالت عليه طلبات الزبائن، ووصل عددها إلى 4 آلاف طلب، ليقوم بشراء كل الكمية الموجودة فى المخازن من أقاربه وبيعها جميعاً: «الموضوع كان هزار فى الأول، ماعرفش إن ناس كتير كده هتكلمنى، وعندى منتجات كتيرة شبيهة زى كعب سيليكون بـ12 جنيه، إنما الرجْل الكاملة بـ300 جنيه، وبتتغسل وتستخدم أكتر من مرة».
لا يمتلك «أحمد» محلاً تجارباً، ويطرح بضائعه «أون لاين»، ويوصل الطلبات للزبائن فى أقرب محطة مترو أنفاق، وينوى خلال الفترة المقبلة استيراد كميات أكبر من تلك المستلزمات بعد الإقبال الكثيف عليها، مشيراً إلى أنه سيبحث عن خامات أفضل، خاصة أن الأقدام «السيليكون» تُستخدم فى أغراض كثيرة مثل إخفاء الحروق: «مش الكل بيستخدمها عشان الشكل وخلاص، فيه ناس مضطرة تلجأ لها، عشان خايفة من التنمر ونظرات الناس».
تعليقات الفيسبوك