علي عفيفي
لا تزال حكايات علي عفيفي، الملقب بـ«اللص التائب»، تثير اهتمامات الكثيرين، حيث قضى معظم سنوات عمره في السرقة والاحتيال على الآخرين، وكان يستهدف الشقق والشركات والمرضى بالمستشفيات، ولم يشفق على أحد، فالكل أمامه مباحا سرقته، ورغم قسوة قلبه وجرم ما كان يفعله، لكنه كان يستخدم جزءا من هذه الأموال المسروقة في الإنفاق على الأيتام وزيارة دور المسنين أيضًا.
25 عاماً قضاها «عفيفي» في السرقة، ثم قرر التوبة منذ 12 عاما، وعاد مرة أخرى للظهور ليروي كواليس سرقاته قبل توبته الأخيرة، وكيف سارت حياته بعد التوبة؟ وماذا عن الـ 12 عامًا التي قضاها بعد التوبة، وكيف تعامل معه جيرانه وأقربائه وأهله وهل يثقون فيه الآن؟
يقول علي عفيفي لـ«الوطن»: «ماكنش بيصعب عليا حد وكنت بسرق كله حتى المرضى ولا كان أي استعطاف منهم بيهزني، ما هو اللي يصعب عليك يفقرك وأنا مكنتش غاوي فقر أنا عايز يبقى معايا فلوس».
كان «علي» بعد أن ينتهي من سرقته، يقوم بتوزع جزءا من الأموال المسروقة على دور المسنين، وزيارة دار للأيتام والتبرع بها واللعب مع الأطفال: «أنا كنت حرامي نزيه بحب أصرف وأكل في أفخم مكان، وبعدين أصرف على العيال الأيتام اللي عندنا في القرية ميت حبيش القبلية اللي في طنطا، وكنت بجيب لهم حلويات وأكل».
يعترف علي عفيفي أن أكبر مبلغ قام بسرقته كان 50 ألف جنيه: «كل الفلوس دي كنت بضيعها في ساعتين تلاتة وفي الآخر المال الحرام مش بيدوم، ولسه مفيش معايا فلوس وعايز بس اشتغل مش طالب غير شغلانة في الحلال».
تفاصيل القصة كاملة.. «اللص التائب» قاطع يديه يعود للأضواء بعد 12 عاما: «عايز أشتغل بالحلال»
يحكي «علي»: «أبويا والناس ودكاترة نفسيين نصحوني إني أبطل سرقة لكن أنا كنت بحبها وكانت داء بيجري في دمي، وعشان كده جريت على القطر وقطعت أيدي الاتنين»، وأصبح يثق به جيرانه وأصدقائه باستمرار: «بقوا بيدخلوني البيت وبلعب مع عيالهم وبيسيبوا حاجاتهم قدامي وحد الله بيني وبين السرقة خلاص أنا توبت ومش هرجع فيها تاني والحمد لله رب العالمين ربنا يديمها نعمة عليا».
رغم إعاقة يديه، إلا أن علي عفيفي يتمكن بمنتهى الثبات وبساقيه فقط أن يأكل ويشرب بمفرده: «باكل وبشرب وبأكل نفسي بنفسي».
تعليقات الفيسبوك