لقطة من فيلم السلم والثعبان
من بين الآف الأفلام السينمائية حول العالم، لدى كل شخص فيلمه المفضل الذي يؤثر فيه بشكل كبير، ولا يكف عن رؤيته أكثر من مرة وكلما سمحت له الظروف، لا يمل من إعادة مشهده المفضل فيه أو أغنيته المحببة.
تعشق مروة محمد فيلم "السلم والثعبان" كونها تجد تشابها كبيرا بين قصته وحياتها الشخصية: "جوزي كان نفس شخصية البطل، بتاع ستات وواثق في نفسه لحد ما شافني وحبني واتجوزني بعد صعوبات طبعا زي الفيلم".
أما أيتن محمد، فتعتبر الفيلم الأجنبي Saw هو المفضل لديها معبرة عن السبب: "بيخوفني وبحسه فيه ذكاء جدا بحب أشوف كل طريقة الواحد هيحافظ بيها على حياته".
"عسل أسود".. هو فيلم حسن محمد، المفضل كونه يحاكي أوضاع البلد وحبها بشكل ممتع: "بيعكس حال البلد وحب المصريين لها رغم المشاكل اللي فيها فيها حاجة حلوة".
بينما يفضل رامي أحمد، سلسلة أفلام final Destination وHarry potter قائلا: "بحب في فاينال ديستنايشن مخطط الموت ده، بحب أشوف طريقة موت كل واحد بتبقى جديدة ومبتكرة وبحب أفلام الإثارة، وهاري بوتر بعشق السحر اللي فيه والتشويق وشخصياته بحبهم".
فيلم "حب البنات" بالنسبة لميادة محمد هو المفضل لديها لما يحتويه من شخصيات واقعية في الحياة: "عشان فيه مشاعر كده وبيوصف علاقات كتير في حياتنا".
فيما تشعر منة محسن بإعجاب شديد تجاه فيلم "تيمور وشفيقة" قائلة: "حلو أوي جو أحب ابن الجيران من الصغر ويجبلي هدايا وفي الآخر نتجوز، كان نفسي يحصلي كده".
تعليقات الفيسبوك