إلقاء القمامة
تداول رواد موقع التواصل الاجتماعي "فيس بوك"، صورة لأحد العمارات السكنية قدموا فكرة جديدة للتخلص من القمامة بالمنزل، بعمود على شكل أنبوبة مصنوع من الصاج بطول العمارة مفتوح في كل دور سكني بها، لرمي أكياس القمامة من خلالها لتهبط في صندوق كبير للقمامة بآخر فتحة العمود.
ولاقت الفكرة تأييد وإعجاب الكثير من المواطنين، حيث قالت صافي: "فكرة حلوة"، وأيدها صهيب: "جميلة والحمدلله أخيرا هنتخلص من خد الزبالة وأنت نازل"، وقالت دينا: "بيعملوها في المدن الجديدة زي الأسمرات كده"، وتساءلت دنيا: "افرض الأنبوب ده اتسد هيسلكوه إزاي"، وكتبت أم عبدالرحمن: "طبعا بالبلاد العربية موجود لأن فيه حارس للبناية على طول بينضف الصناديق".
ورفض الفكرة بعض رواد "السوشيال ميديا"، الذين أكدوا سوء استخدام المصريين لهذا العمود، فقالت سارة: "الفكرة مش جديدة موجودة في عمارات وأبراج سكنية بس مع استخدام المصريين الناس بترمي الحاجات من غير أكياس وبتتحول المواسير لصفايح زبالة وبتطلع ريحة وحشة" وعلى منوالها قالت داليا: "عندنا بس مافيش حاجة بتترمي فيها الزبالة زي كدا بتروح المنور على طول وكله زبالة وقرف وقطط وريحة وحشة وكمان الناس بتستسهل وبترمي من الشباك على طول"، بينما قالت سماح: "هيرموا فيه طبيخ وحاجات وكده وبس الفكرة جميلة بس المهم اللي يحافظ، والفكرة موجودة من زمان في عمارات المهندسين في بورسعيد".
تعليقات الفيسبوك