إزاي تصاحب مديرك
يسعى الكثيرون أن يكونوا أصدقاء المدير في العمل كون العلاقات الجيدة بينهما لها تأثيرها الكبير خلال فترة العمل.
ويقدم مصطفى خليفة، استشاري تطوير الأعمال "إزاي تصاحب مديرك" في 6 خطوات:
1. لازم نعرف الخيط الرفيع اللي نفرق به بين الصداقة وسلطته كمدير، نعرف امتى نتعامل مع بعض كأصدقاء لكن لو فيه ناس في مستويات وظيفيه أقل نتعامل معاه كمدير حتى باستخدام اللقب زي أستاذ أو بمهندس.
2. الأسلوب اللي بتتكلم معاه على وسائل التواصل الاجتماعي، لازم تراعي فيه الشكل العام ووضعه الاجتماعي، مش أي تعليق ينفع يبقى عام والناس كلها تشوفه.
3. متشتكيش أو تذم في مديرين تانيين، مهم أوي متتقلبش قعدة النميمة في ناس تانية عشان تحسسه أنك بتحترمه هو، لما بتتكلم كده قدامه بيفتكر أنك بتقول عليه الكلام ده في ضهره.
4. متحاولش تستغل المعاملة الكويسة والصداقة لأي مصلحة شخصية في الشغل، دايما خليها علاقة كويسة مفيهاش مصالح، طبعا هتستفيد من العلاقة الجيدة بس مش بشكل يضايق الناس اللي حواليكم أو يحسسه هو نفسه أنك بتستنفع منه.
5. خليك صادق، متكدبش ومتستخدمش صياغة مبالغة أوي لأنها بتبقى باينه لي وللي حواليه أنك بتنافقه، دايما خليك صادق ومفيش مانع من مجاملة في حدود المعقول.
6. خليك صريح ولبق، يعني تبقى صريح بس في نفس الوقت خليك لبق ومتخبطش جامد في ابداء رأيك لأنه هيفهمه هجوم ويحس أنه غلط أنه اداك المساحة دي، والناس اللي حواليكم هيحسوا أنك واخد عليه بزيادة، دايما خليك دبلوماسي وذكي في اختيار الكلمات.
تعليقات الفيسبوك