صلاح جاهين
لما يوم صحيت عيونا ع الدموع
لما قالوا راح خلاص طفوا الشموع
نبض قلبى لم يصدق
بين طبول الحزن دقدق
لا ما ماتش يا جاهين
يا حبيب المظلومين
قلبى حاسس إنك لسه فينا
لسه عايش فى النسايم
فى الشوارع والجناين
فى المدارس والضفاير
وف غناوى كل حاير
والزمن لو مر بينا هناديلك
هناديلك كل ليلة عيد كبيرة
لما تبقى الخلق صاحية والعالم كتيرة
واما يبقى الشوق بيحضن فى الحكاوى
والصبايا صابحة ترقص ع الغناوى
ما أنت حدوتة بلدنا
فى الشوارع لسه ساكنة
والشوارع حواديت
حوداية أنت فيها
وحوداية برضه فيها
والحكاية مالها قد
مهما حراس الشوارع حطوا للحدوتة حد
إلهام على غسال
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك