دار ضيافة الدرب الأحمر تستقبل 4 أسر بعد هدم منازلهم
يجلسون فى الشارع أمام دار مناسبات فى منطقة الدرب الأحمر بعد انهيار ثلاثة منازل فى المنطقة، وتشرد أكثر من 8 أسر، كانت تقطنها، استطاعت أربع أسر تدبير أحوالها بالإقامة فى منازل أقارب لهم، بينما تبقى 4 أسر، وفى محاولة من الحى لإيجاد حل مؤقت للأزمة، قام بتحويلهم إلى دار المناسبات -دار الضيافة- الموجودة بالمنطقة، للإقامة بها.
«بعد ما 3 بيوت وقعت فى شارع عطفة المبيض، ما بقناش عارفين نعمل إيه، رحنا للحى قالوا لنا لما البيت ييجى على الأرض نبقى ندّيكم شقق، لأن نص البيت اللى وقع، فنمنا على باب البيت فى الشارع أكتر من 3 أيام، ساعتها حوّلونا لدار الضيافة، وكل يوم نروح لهم عايزين حل، من غير أى رد، وفات شهر على الحال ده»، كلمات شريف حسين، الذى كان يقطن أحد البيوت المتهدمة.
حسرة شديدة يشعر بها «شريف»، وهو يرى زوجته وبناته الثلاث ينمن فى مكان شبه مكشوف: «بنام على الأرض فى عز البرد، ويا ريت الحال وقف عند كده، ده إحنا بنستعمل دورة مياه عمومية، ونغيّر هدومنا والكل شايفنا، ويقولوا لنا هاتوا الورق بتاع البيت، علشان نبدأ فى إجراءات توزيع الشقق، إحنا خرجنا من بيوتنا بالهِدمة اللى علينا».
تعليقات الفيسبوك