داخل المستشفى
منذ ظهور فيروس كورونا المستجد (كوفيد 19) في مصر، ولم تنته عروض ومبادرات ومساعدات المواطنين لبعضها سواء من قبل شخص بمفرده أو عمل جماعي أو شركات أو مطاعم أو غيرها، وتختلف المساهمات عن بعضها على حسب قدرته.
ومن هذا المنطلق قرر فريق مطاعم شهيرة في مصر، الخروج عن المألوف، بخلاف ما يقدمه الكثيرون هذه الفترة من تعقيمات للآخرين أو توعية، حيث عملوا وجبات ومشروبات للأطباء والممرضين والممرضات في مستشفى العباسية للحميات، الذين يبذلون مجهودا كبيرا مع حالات المصابة بفيروس كورونا.
محمد كريم المدير التنفيذي لإدارة المطاعم، يحكي لـ "الوطن"، كواليس تحقيق الفكرة على أرض الواقع، حيث اجتمع الفريق الإبداعي للمطاعم والذي لديه 3 فروع في القاهرة، لتحديد ما يمكن عمله لمساعدة المجتمع: "قولنا ليه منساعدش الأطباء والممرضين ونقدم لهم أكل حلو ونشوف هيقبلوا ولا لأ".
وبالفعل حضر فريق العمل بالمطعم الوجبات والمشربات وهم مرتدين القفازات الطبية مثلما اعتادوا دائما قبل ظهور كورونا، وفقا لوصف "محمد"، بسبب التزامهم بتطبيق الهايجين: "اللي اختلف بس الكمامات وأن كل يوم لازم حد بيقيس الحرارة لكل العاملين للاطمئنان على صحتهم".
"الموضوع بنعمله للخير مش دعاية".. هدف إدارة المطعم الذين قدموا وجبات لأطباء وممرضين مستشفى العباسية للحميات، قائلا محمد: " كده كده عندنا عمالة ومش هنسرحهم يعني عشان الظروف ليه يعني ميتعملش حاجة مفيدة، واحنا مش خسرانين كتير حبة أكل يعني عادي".
وعن رد فعل العاملين في المستشفى قال محمد: "هما مقلقوش إحنا الوقاية عندنا والنظافة أهم حاجة الحمد لله، وعندنا أحدث وسائل الهايجين من قبل كورونا حتى وده الطبيعي".
كما أنهم اتخذوا احتياطهم عند الدخول والخروج من المستشفى حتى لا يتعرض أحدهم لإصابة: "كنا عاملين حسابنا ولما خرجنا عربية كانت مستنيانا فيها هدوم تانية وعقمنا نفسنا كويس جدا وهدومنا والساعات والجزم وكل حاجة".
وتعمل إدارة المطعم الآن على توزيع وجبات طعام على 3 مستشفيات أخرى للحميات لمدة 3 أيام: "هنجرب 3 أيام لو التكاليف معليتش أوي هنكملها لمدة أسبوع وهنشوف إيه المتاح من المستشفيات تاني".
تعليقات الفيسبوك