احترام الخصم واجب
بس مش ويّا البتوع
اللي سارقين حق غيرهم
واللي واخدين ع الخنوع
واللي أشكالهم تغمّك
وأنت بتؤم الجموع
واللي تعرف من وشوشهم
كلّ ملّة وكل نوع
واللي في بيوت العِلافة
شبّعوهم بعد جوع
احترام الخصم واجب
بس خصم يكون صريح
يحترم صوتك وقوتك
حتى لو صوتك فحيح
واللي ما يقلّلش منّك
حتى لو ساكن ضريح
النهاردة الدنيا ليكم
بس بكره عُفار وريح
واللي جاي غير اللي عدّى
واللي جاب غير اللي ودّى
واللي روحه صديد ومدّه
غير جدع روحه بصحيح
واحترام الخصم واجب
بس مش ويّا القبيح