والدة طالب ثانوية عامة تتظلم: "بعت اللي ورايا واللي قدامي علشان أعلمه"
صورة أرشيفية
بدأت وزراة التربية والتعليم تلقي تظلمات مواد الثانوية العامة من الطلبة والطالبات اعتبارًا من اليوم، موضحة أنه على الطلاب الذين يريدون التظلم التوجه إلى المديريات التعليمية الخاصة بهم؛ لتسجيل أسمائهم ودفع قيمة المواد، وهي 100 جنيه عن كل مادة.
وتقدّمت ولية أمر الطالب أحمد محمد السيد بشكوى تظلم من النتيجة التي حصل عليها ابنها في الثانوية العامة للعام الدراسي 2015/2016.
وأشارت ولي أمر الطالب إلى أن ابنها أخبرها بحله للامتحانات كما جاء بنموذج الإجابة وبرغم ذلك رسب، مضيفة "أنا ببحث عن حاكم عادل يجيب حق ابني، اللي ظلم ابني ومدالوش حقه حسبي الله ونعم الوكيل فيه هو ميعرفش هو عمل إيه فيا أنا وابني"، وأعربت السيدة عن غضبها، مشيرة إلى حزنها بقولها "ابني هو اللي طلعت بيه من الدنيا، وصرفت عليه اللي ورايا واللي قدامي علشان أشوفه حاجة وهما مش عاوزين كدة واضطهدوا بالذات علمي".
وأكد طالب آخر، أنه جاء للتظلم من نتيجته لثقته من إجابته "علشان كدة جيت اتظلم ما أنا مش هدفع فلوس على الفاضي"، وقال آخر إنه جاء لأن "تصحيح الكيمياء غريب، المفروض كنت حاسب لنفسي رينج درجتين لقيتهم ١٠ وهتفرق معايا لو زودت يمكن ألحق مرحلة تانية، مش كفاية الامتحانات جت زي الزفت".
وتابع أحد الطلاب، "أنا جاوبت كويس جدًا في الفيزياء والعربي وفي ظلم جامد، هما حبوا يداروا موضوع الامتحانات اللي اتسربت فقالوا ينزلوا كل المجاميع علشان يداروا على الفضيحة".