سهرانة
وأنا مش سهران
قلقانة
وأنا قلبي رخام
ندمانة
للمرة الكام
على أنك قولتيلي سلام؟
سهرانة
والصبر ممَر
قلقانة
مش لاقية البر
ندمانة
وأنا عارف السر
ماهو عينك مليانة كلام
سهرانة
ولحد الصبح
قلقانة
بتلِمي الجرح
ندمانة
على جَمع وطرح
والدنيا محتاجة علام
سهرانة
بتغني نجاة
وبتقري فـ "حراجي القط "
وبتنسي شروط النسيان
فـ بتبكي
من غير ولا شرط
سهرانة
يا قمر حَزنان
ونسانة
والسما فستان
بدموعك
تطرح الألوان
ندمانة ع اللُقا ١٠٠ عام؟
سندريلا والجميع خذَلِك
بس قلبِك صافي يشبهلِك
كل أول ليل بيندهلي
بس آسف قلبي مُستهلَك !